Dampa bye election atan Sailova'n nomination file

Aizawl | October 15, 2025: Dampa bial by-election atana ZPM official candidate Vanlalsailova chuan vawiin chawhnu dar 2 khan Returning Officer (RO) Malsawmzuala, MCS (PO, DRDO, Mamit District) hmaah Nomination file a, chawhnu dar 2:20 khan RO hmaah Oath Taking a la nghal a ni.

Vanlalsailova chuan tluang taka Nomination a file thei chu lawmawm a tih thu sawiin, a buaipuitu election official-te leh party lam atanga tawiawmtu te chungah lawmthu a sawi a, theihtawp chhuaha a campaign chhunzawm tur thu leh, Dampa bial mipuite chu ZPM-ah an vote hlu tak pe vek turin a sawm nghal a ni.

Vanlalsailova hi ZPM General Headquarters atangin GS Election R Malsawmtluanga, GS Legal Vanlalsiama Pachuau, Secretary Election H Zorempuia, Thalai Headquarters hruaitute leh Mamit Central Block hruaituten an tawiawm a ni.