Sorkar hna lak chungchangah MZP chu kan thikthu a chhe lehzual dawn, sorkar lai leh sorkar hnathawkte pawh fimkhur lehzual turin ka chah! ~ MZP President Dr C Lalremruata

byAdmin — 0
Hnam dang sumdawng an tam em em, hengte hi Mizote avanga sumdawng thei an ni. Mahni hming hawha hnam dang sumdawn tir zawng zawng kha titawp turin ka ngen a che u, dan angin in chungah action lak a nih theih nan MZP-in hma kan la dawn! ~ MZP President

Aizawl | Sept 22, 2025: MZP President thar Dr C lalremruata chuan, ""Hnam dang sumdawng an tam em em, hengte hi Mizote avanga sumdawng thei an ni. Mahni hming hawha hnam dang sumdawn tir zawng zawng kha titawp turin ka ngen a che u, dan angin in chungah action lak a nih theih nan MZP-in hma kan la dawn," a ti. 


He thu hi vawiina Mizo Zirlai Pawl (MZP) General Headquarters, Aizawl kum 2025-2027 term chhunga hruaitu tharte'n an mawhphurhna an lak tannaah a sawi. MZP OB Charge inhlanna inkhawm hi vawiin chawhma dar 11:00 khan MZP Conference Hall-ah an hmang a, President Kal chhuak (2023-2025 chhunga President) H Lalthianghlima'n 2025-2027 President Dr C Lalremruata hnenah kut dinglam chibai bukin charge a hlan.


MZP President thar Dr  C Lalremruata chuan, "MZP hi zirlaite tana innghahna tlak leh rin tlak a nih zual zel theihna turin hma lak a ni dawn a, Hnamdang (vai) dan lova rawn sumdawngte lakah leh an hming lo hawhtir tute chungah dan angin na takin action lak a nih theih nan hma kan la dawn a ni" a ti.

President chuan, "MZP hi Mizo Zirlai Pawl kan nih angin zirna kan ngai pawimawh dawn a, zirnaah kan let leh a ngai tak zet a ni", a ti. Mizoram chu India ram chhung state a ziak leh chhiar thiam awm tamna kan nih angin, All India Service leh Central service lamah inziah tlin tuma ṭan kan lak a ngai tak zet a, Mizoram chhungah sawrkar hna a van tawh avangin, hna latute fimkhur tur leh a tling leh a tlak te ngei chauh la turin President chuan thuneitute a ngen nghal a ni. 

Dr C Lalremruata chuan, Zirlai harsa te tanpuina turin Students Aid Fund siam a a ni dawn a, ram dang leh state danga an lo tih thin angin, zirlaite'n Placement an hmuh theihna turin hmalak a nih tur thu a sawi a, Mizo zirlai tam zawkin ram danga zir zawm theihna tur (Scholarship & Guidance) ngaihtuahpui turin chak taka hmalak an tum thu a sawi.

MZP President thusawi thenkhat: 
  • Zirna leh a kaihhnawih kan ngaipawimawh hmasa ber dawn. Zirna kawnga harsatna tawkte ṭanpuina tur 'student aid fund' siam kan tum!
  • Zirlaiten an zir lai ngeiin an zir zawha hna an hmuh theih nan placement agency te nen hmalak kan tum.
  • Scholarship hmanga zirlaiten zirna an chhunzawm theihnan hmalak kan tum.
  • Hnam dang sumdawng an tam em em, hengte hi Mizote avanga sumdawng thei an ni. Mahni hming hawha hnam dang sumdawn tir zawng zawng kha titawp turin ka ngen a che u, dan angin tihtawp a nih theih nan MZP-in hma kan la dawn.
  • Kan hnam himna turin ILP chungchangah nasa leh zuala hmalak kan tum.
  • Scheduled Tribes (ST) list-ah Zofa hnam hrang hrangte kan  awm theih nan hmalak kan tum.
  • Ruihhlo laka zirlaite an him theih nan hma kan la dawn.
  • Sorkar hna lak chungchangah MZP chu kan thikthu a chhe dawn, sorkar lai leh sorkar hnathawkte pawh fimkhur lehzual turin ka chah duh, thalai lehkha thiam a tling leh tlak te chauh la turin ka ngen.

Hmun hrang hrang atanga Aizawl-a zirlai awmte’n, man tlawm zawk leh tha zawka zirna an chhunzawm theih na tur hmun changtlung ‘Zirlaite Hostel’ nei tura hmalakna kan neih mek chu chak lehzuala hmalak a nih tur thu a sawi bawk. 

Kum 2025 - 2027 atan a MZP hruaitu tharte mawhphurhna inhlanna hunah hian, Adviser Peter Lalzawmliana chuan fuihna thu sawiin, NESO Co-ordinator Pu H. Hrangkunga'n hunserh a hmang a ni.

MZP General Headquarters kum 2025-2027 chhunga hruaitute:-
1. President: Dr C Lalremruata
2. Vice President: Sanghmingthanga
3. General Secretary: C Lalhmingsanga
4. Asst. General Secretary: Lalentlinga
5. Treasurer: Rothanliana
6. Finance Secretary: Nangsawmthanga


















MZP PRESS RELEASE

Vawiin September ni 22, 2025(Thawhtanni) chawhma dar 11:00 khan MZP Conference Hall-ah MZP General Headquarters OB kum 2025-2027 term chhunga hruaitu tharte charge in hlanna hun neih a ni a,  MZP Election Commission Secretary, Pu Ricky Lalzawma kaihhruaina in hun hman a ni.

He hunah hian kum 2023-2025 chhunga President, Pu H. Lalthianghlima chuan thusawina hun neiin, MZP in a hma alo lak tawhna te rawn chhunzawm chho zel tur leh tuna UPSC coaching sponsor mekte pawh rawn ngaihven chhunzawm turin a chah a, zirlaite leh ram leh hnam tana hmalak chhohna turah hruaitu tharte duhsakna a hlan bawk.


Kum 2025-2027 chhunga atan President thar Dr.  C. Lalremruata pawhin thu sawiin, "MZP hi zirlaite tana innghahna tlak leh rin tlak a nih zual zel theihna turin hma lak a ni dawn a, Hnamdang (vai) dan lova rawn sumdawngte lakah leh an hming lo hawhtir tute chungah dan angin na takin action lak a nih theih nan hma kan la dawn a ni" a ti.

President chuan, "MZP hi Mizo Zirlai Pawl kan nih angin zirna kan ngai pawimawh dawn a, zirnaah kan let leh angai tak zet a ni", a ti. Mizoram chu India ram chhung state a ziak leh chhiar thiam awm tamna kan nih angin, All India Service leh Central service lamah inziah tlin tuma ṭan kan lak a ngai tak zet a, Mizoram chhungah sawrkar hna a van tawh avangin, hna latute fimkhur tur leh a tling leh a tlak te ngei chauh la turin President chuan thuneitute a ngen nghal a ni. 

 Dr. C. Lalremruata chuan, Zirlai harsa te tanpuina turin Students Aid Fund siam a a ni dawn a, ram dang leh state danga an lo tih thin angin, zirlaite'n Placement an hmuh theihna turin hmalak a nih tur thu a sawi a, Mizo zirlai tam zawkin ram danga zir zawm theihna tur (Scholarship & Guidance) ngaihtuahpui turin chak taka hmalak an tum thu a sawi.

 Hmun hrang hrang atanga Aizawl-a zirlai awmte’n, man tlawm zawk leh tha zawka zirna an chhunzawm theih na tur hmun changtlung ‘Zirlaite Hostel’ nei tura hmalakna kan neih mek chu chak lehzuala hmalak a nih tur thu a sawi bawk. 

Kum 2025-2027 atan a MZP hruaitu tharte mawhphurhna inhlanna hunah hian, Adviser Pu Peter Lalzawmliana chuan fuihna thu a sawiin, NESO Co-ordinator Pu H. Hrangkunga'n hunserh a hmang a ni.

MZP General Headquarters kum 2025-2027 chhunga hruaitute:-
1. President: Dr. C. Lalremruata
2. Vice President: Sanghmingthanga
3. General Secretary: C. Lalhmingsanga
4. Asst. General Secretary: Lalentlinga
5. Treasurer: Rothanliana
6. Finance Secretary: Nangsawmthanga


Sd/-
(C. LALHMINGSANGA)
General Secretary 
MZP General Headquarters






Tags:

Post a Comment

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post