FCAA 2023 hian Sorkar laipui thuneihna sang tak a pe a, Zofate tan harsatna nasa tak min la thlen thei

Aizawl | Sept 4, 2025: Zo Re-Unification Organisation (ZORO) hruaitute chuan vawiin khan an president R Sangkawia hovin Aizawl Press Club-ah thuthar thehdarhtute an kawm a, Forest Conservation (Amendment) Act, 2023 (FCAA, 2023) hian Sorkar laipui thuneihna sang tak a pe a, Zofate tan harsatna nasa tak min la thlen thei a ni," an ti!

ZORO chuan, "Mizoram Sorkar hian Central beng a thlen hma ngeia ngaihtuah tha tur leh a tul anga Special Assembly pawh koa ennawn leh turin Mizoram Sorkar kan ngen a, Mizoram Sorkarin a ngaihtuah tha lo a níh chuan a tawp thlengin hma kan la zel dawn a ni," an ti.

Ni 2. September 2025 Zo Re-Unification Organisation (ZORO) Meeting in a lo rel tawh angin Mizoram Sorkarin Forest Conservation (Amendment) Act, 2023 a adopt chung chang ngun takin ngaihtuah ho a ni a, FCA Act, 2023 hian Sorkar laipui thuneihna sang tak a pe a, Forest Conservation (Amendment) Act, 2023 Mizoram State Assembly in a adopt hian Zofate tan harsatna nasa tak min la thien thei a ni.

1. FCAA 2023-in Ngaihhnathiam (exempt) tura a dahah hian International boundary atanga km 100 chhung chu Central Sorkarin a duh anga a hman theih turin, state sorkar leh village council/gramsabha, NGO te rawn hauh lo pawha a hman theih turin thuneihna a la a. Forest clearance lak buai ngai hauh lovin hma a la thei a.

2. He FCAA 2023 hian Indian Constitution Article 371G in kan in humhimna tur a Dan min pek zawng zawng a kalh fai vek a, chanvo min pek a rapbet vek a, Indig-enous Peoples te chanvo chhuhsakna a ni. FCAA hi Parliament Act a ni a, Article 371G erawh chu Indfian Constitution a ni. Democracy-ah chuan Constitution a lal zawkin thu a nei zawk a ni.

3. FCAA 2023 hian International ramri atanga 100KM bial chhungah thuneihna a nei a. Forest-a puan a nih atangin State thuneihna a lak sak nghal a, Central-in thuneihna a inpe chawp tihna a ni. FRA 2006 in Forest dweller-te dikna chanvo a pek pawh nasa takin a ti derthawng a ni.

4. FCAA 2023 hian Indian Constitution Article 244 a kalh a. He Article hmanga siam Fifth leh Sixth Schedule in heng ADC, UT leh State te thuneihna leh dikna chanvo a chhuhsak a ni.

5. FCAA 2023 hian Indian Constitution Article 19-na a bawhchhia a, he article in chanvo min pek Freedom of Residence and Settlement, Freedom of Occupation, Trade, Profession te a bawh chhia a ni.

6. India Constitution Article 21 na in chanvo min pek heng Zalenna, Tribal-te ramngawa an eizawnna, hriselna tha leh boruak thianghlim, Environment, Mi mal tinte dikna chanvo a tichhe thei a ni.

7. Tualto hnamte tana inhumhimna tur UN Declaration on the Rights of Indigenous People(UNDRIP) 2007, Article 13, 15(2), 17(2), 21(1), 24(1) leh 25 chu he FCAA 2023 hian nasa takin a bawhchhia a ni.

He FCAA hi Supreme Court pawhin a ngaihtuah lai mek a ni a, Court pawhin final decision pawh a la siam theih loh lai leh line of control pawh an la sawifiah theih loh laia kan sorkarin a lo pawm ngawt hi a fel lo hle a, Thangthar lo awm zel turte hmakhua a tichhe thei dawn a, he thil hi Zofate pawi sawina lian tak a ni.

Kan hriat angin FCAA 2023 hian kan fundamental right a bawhchhiat avangin Indian Constitution Article 13 sawi anga he Parliamentary Act hi tihtawp mai emaw, Indian Constitution-in dikna chanvo min pek anga her rem chi niin a lang.

ZORO chuan kan ram leh hnam tan a him lo nia kan hriat avangin Forest Con-servation (Amendment) Act, 2023 hi kan pawm thei lo a, Mizoram Sorkar hian Central beng a thlen hma ngeia ngaihtuah tha tur leh a tul anga Special Assembly pawh koa ennawn leh turin Mizoram Sorkar kan ngen a, Mizoram Sorkarin a ngaihtuah tha lo a níh chuan ZORO chuan a tawp thlengin hma a la zel dawn a ni.

Dated 4th September, 2025

ZORO

PRESS STATEMENT

Ni 2. September 2025 Zo Re-Unification Organisation (ZORO) Meeting in a lo rel tawh angin Mizoram Sorkarin Forest Conservation (Amendment) Act, 2023 a adopt chung chang ngun takin ngaihtuah ho a ni a, FCA Act, 2023 hian Sorkar laipui thuneihna sang tak a pe a, Forest Conservation (Amendment) Act, 2023 Mizpram State Assembly in a adopt hian Zofate tan harsatna nasa tak min la thien thei a ni.

4. FCAA 2023 hian Indian Constitution Article 244 a kalh a. He Article hmanga siam Fifth leh Sixth Schedule in heng ADC, UT leh State te thuneihna leh dikna chanvo a chhuhsak a ni.

5. FCAA 2023 hian Indian Constitution Article 19-na a bawhchhia a, he article in chanvo min pek Freedom of Residence and Settlement, Freedom of Occupation, Trade, Profession te a bawh chhia a ni.

6. India Constitution Article 21 na in chanvo min pek heng Zalenna, Tribal-te ramngawa an eizawnna, hriselna tha leh boruak thianghlim, Environment, Mi mal tinte dikna chanvo a tichhe thei a ni.

7. Tualto hnamte tana inhumhimna tur UN Declaration on the Rights of Indigenous People(UNDRIP) 2007, Article 13, 15(2), 17(2), 21(1), 24(1) leh 25 chu he FCAA 2023 hian nasa takin a bawhchhia a ni.

Issue by:

Zo Re-Unification Organisation (ZORO)

General Headquarters, Aizawl.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]