A thawhpuite'n an hek Commerce & Industries Director ni lai Maria CT Zuali sawn!

Aizawl | Sept 1, 2025: A thawhpuite'n an hek Commerce & Industries Director ni lai Maria CT Zuali sawn a ni a, Mizoram Public Service Commission (MPSC) Secretary ni lai, Dr H Lianzela'n a dinhmun a luah ang.

Department of Personnel and Administrative Reforms Commissioner & Secretary K Lalthawmmawia chuan vawiin khan thuchhuah siamin, IAS hming langzar tak pahnih an hna chanpual atangin sawn an ni.

Commerce & Industries Director ni lai, Maria CT Zuali, IAS (AGMUT:2014) chu Fisheries Department-ah sawn niin, Special Secretary (Independent charge) mawhphurna a chelh ang. Maria CT Zuala hian Er. Lalrothanga, MES a thlak dawn a ni.

Mizoram Public Service Commission (MPSC) Secretary ni lai, Dr H Lianzela, IAS (AGMUT:2015) chu Commerce & Industries Director atan dah a ni a, ani hian Maria CT Zuali a thlak dawn a ni.

Mizoram Industries and Commerce Services Association chuan Commerce & Industries Minister F Rodingliana hnenah Officer and staff ten lehkha thawnin, an Director Maria CT Zuali IAS chu an thawhpui theih tawh loh thu an thlen.

Minister hnenah hian August 7 khan ziakin an thlen chu chhanna lawmawm an dawn loh avangin, August 22 hian an thawhpui theih tawh loh thu ziakin an thlen ta a ni.

Lungawi lohna lan tir ngai lovin, August thla ral hma ngei a sawn turin an ngen.