'Nghilh bik suh Rinpui' tih hla phuah chhan 'Rinpuii' a thi

Aizawl | August 2, 2025: Hla phuahthiam leh Zaithiam avanga Zoram khawvel lo nghawrnghing tawh thintu Lallianmawia Pachuau hla tam tak lo pianchhuah na, Lalrinpuii (Rinpuii) chu vawiin chhun dar 12:35 khan a thi.

Zaninah a ruang hi lumen a ni ang a, naktuk chhun dar 12:00-ah Zawlnuam Thumpui Vengah vuiliam a ni ang.

H Lalrinpuii, 61, w/o Upa T Lalmalsawma chu vawiin chhun dar 12:25 khan cancer avangin Kawrthah damdawi inah a thi a. Zaninah an chenna in, Thuampui veng, Zawlnuam-ah lumen a ni ang a. Naktuk chhun dar 12 hian vui a ni ang.

'Nghilh bik suh Rinpui' tih hla hi kum 1983-a Lallianmawia Pachuau-in a phuah a ni a. Khatih lai, innghirnghona leh inhuatna pawh awm lo va, Rinpuii nen an inthen ta thut mai kha a tuar thiam lo em em mai a. A ngaihtuah let thin a, na hi a ti em em mai a. Hla-ah a siam mawlh mawlh a ni ber mai.

'Nghilh bik suh Rinpui' tih hla pawh hi, 'Keimah vang a ni' tih te, 'Ka thai Mampui' tih hla te, 'Dawt leng an sel' tih leh 'Mampui ngaithiam rawh' tih hla te nen hla inunau vek a ni. Heng hla ho zingah rau rau chuan a upa ber kan ti thei awm e.

He hla mawi tak mai hi a phuahtu Lallianmawia Pachuau hian — Nemte'n ka chawi nang che — album-ah khan a dah a ni.

'Nghilh bik suh Rinpui' tih hla hi a phuahtu Lallianmawia Pachuau bakah, zaithiam thahnem takin an sa tawh a ni.

A pasal T Lalmalsawma hi Zawlnuam Thuampui Veng Vice VCP nilai leh VCP hlun a ni.