NDA meeting-ah Lok Sabha MP a tel, enchhin sawrkar hian BJP a zawm tan niin a lang, - MPCC President

Aug 7-a NDA meeting-ah Lok Sabha MP a tel, enchhin sawrkar hian BJP a zawm tan niin a lang, - MPCC President

Aizawl | August 8, 2025: Vawiin August 1, 2025 Zirtawp hian Congress Bhavan-ah MPCC Political session neih a ni a. He hunah hian MPCC President Lal Thanzara,   chuan R. Zorammawia MNF Unit III President nilai, Keifang chu Congress party ah a lawmlut a, "Aug 7-a NDA meeting-ah Lok Sabha MP a tel, enchhin sawrkar hian BJP a zawm tan niin a lang," a ti.

MPCC President Lal Thanzara chuan, “Kristian ten harsatna an tawh apianga BJP tihhmingchhiat tum an awm tiin an sawi a, tun tuma Kerala Nun ho Chhatisgarh a an man te kha BJP note Bajrang Dal ho hek vanga man an ni. Centrala BJP an sawrkar atang hian ringtute kan chep zel a ni.

“ZPM sawrkar hi ICU ah Ventilator hmangin a nung che che a, hemi chhanchhuak tur hian mipui ten MNF party hi an beisei lo. An beisei loh chhan chu Baffacos sum an tih chingpen dan te, Refferal Hospital an sawisak dan te, Kamrula hova an chet dan te, Tuirial Hydel Project an pawngsual dan te, nuaih thum sem an tiam nuaih khat pawh sem tling lo an nih avangin a ni.

“ZPM sawrkar hian Natna khirh tak pathum an vei mek a. 1. Sum puk natna te, 2. Kawng chhia natna te, 3. Sum lengvak tlem leh ruihhlo a hluar a, khawtlang nun tlahniam nasa lutuk te hi a ni. ZPM vote tu tamtak te hi an beidawng tawh em em a ni.

“August ni 7 khan NDA, BJP leh a thawhpuite chuan meeting an nei a, hemi tum hian Lok Sabha MP Richard Lalhmangaiha chu a tel ve a, enchhin sawrkar hian BJP a zawm tan niin a lang.

“ZPM hian MLA inthlan 2023 inthlanah BJP sum an hmang nasa nia sawi a awm a. Lok Sabha Speaker thlanah pawh BJP an lo vote tawh bawk.

“Mipuite hian Mizoram chhanchhuak tur hian Congress party min beisei mek a, a chhan chu kan fin leh fel bik vang nilovin hun kal tawha kan hruatuiten an thutiam an hlen thin vang a ni.

“Keini Congress party ruangam nei tha zawk hian taimakna nen tha thlah lova sorkarna siam ngei turin tun atanga kan beih zel chuan Pathian kaihhruaina in kum 2028 ah chuan Pathian leh Mizoram mipui rawngbawl sak leh turin sorkarna kan siam leh ngei dawn a ni.

“Mipui ten Congress min thlir mek a, mizoram mipuite Jordan lui kanpuia ramtiam Kanan hruai thleng turin min beisei a ni. Pathian malsawm tlaka kan nun a ngai a, Pathian malsawm tlaka kan nun kan siam dik a ngai a, inthuruala hmalam pan turin ka sawm che u a ni.” a ti.

Friday Political Session hi Pu C. Dothansanga, Gen. Secy. MPCC chuan a kaihruai a. Pu Lalmalsawma Nghaka, Treasurer MPCC chuan thusawina a nei bawk a. Pu Lal Remruata, MPCC Media secretary in report a pe bawk.