Mizoram state capital Aizawl atangin Thenzawlah a rûka sawn tum a ni

Aizawl | August 1, 2025: MNF General Secretary Zodinpuia chuan, "Mizoram state capital Aizawl atangin Thenzawlah a rûka sawn tum a ni," tiin vawiin khan Hnam Run-ah a sawi a. " Mizoram state capital Aizawl a ruk a sawn tumna lo awm reng hi sawifiah ngei turin Chief Minister ka ngen a ni," a ti bawk.

MNF general secretary Zodinpuia chuan, Mizoram sorkarin Mizoram state khawpui (capital) chu Aizawl atangin Thenzawlah a rûka sawn an tum niin a sawi a; hemi chungchang hi sawifiah turin Chief Minister a phût. Zodinpuia chuan, “CM Pu Lalduhoma hian sorkar laipuia sum dil nan Mizoram state capital Aizawl chu sawn turin ngenna a lo thlen reng a, hei hi vawiin thengin Mizoram mipui hmaah a zêp tlat a ni,” a ti.

Zodinpuia chuan, sawrkarin peace city project a buaipuina ah thuzep ruk lian tak a nei niin a sawi a, Chief Minister Pu Lalduhoma hian sorkar laipui-a sum dil nan Mizoram state capital Aizawl chu sawn turin ngenna a lo thlen reng a, hei hi vawiin thengin Mizoram mipui hmaah a zep tlat a ni," a ti a.

"Kumin 2025, April ni 24 khan Seema Rani, section officer (AMRUT-IIB), MoHUA, New Delhi chuan Chief Secretary leh Resident Commissioner, Mizoram hnenah, “shifting of State Capital from Aizawl to Thenzawl, Mizoram” tiin DPR siamna tur chungchang lehkha a thawn a. Hei bakah hian sawrkar lehkha kan hmuh theih hrang hrangah Mizoram state capital Aizawl sawnna tur thu hi a chuang a ni. Hemi chungchang ah hian Chief Minister-chuan Aizawl khawpui tawt lutuk tihziaawmna tura ‘peace city’ din tum a nih thu bak hi mipui ah puanzar a la nei lo a, Mizoram leh Aizawl mipui rawn na neilo a; Mizoram state capital Aizawl a ruk a sawn tumna lo awm reng hi sawifiah ngei turin Chief Minister ka ngen a ni, a ti bawk.