"kalphung thar hi a nihna takah chuan a mumal lo; kum 40 lo sawrkar tawh ten kum 40 chhunga an bat aiin ZPM sawrkarin kum 5 chhunga an puk hi a tam thei dawn!" - Lalremruata Renthlei

Aizawl | August 28, 2025: Mizoram Pradesh Congress Committee (MPCC) Media chairman Lalremruuata Renthlei chuan vawiin khan Aizawl Prss Club-ah thuthar thehdarhtute kawmin, "kalphung thar hi a nihna takah chuan a mumal lo," a ti a. 

"kum 40 lo sawrkar tawh ten kum 40 chhunga an bat aiin ZPM sawrkarin kum 5 chhunga an puk hi a tam thei dawn tihna a ni," a ti bawk.

"Hetianga an puk chhoh zel chuan term khat chhungin, 'kum 40 chhung lo sawrkar tawh ten engmah an lo ti lo,' 'sum an puk tawk tawk a, mipui min dahkham' titu te hian vaibelchhe 15000 chuang an puk thei dawn a nih chu. Tuna kan leiba hi 2024 - 2025 Budget-a a lan danin vaibelchhe 14034.76 a ni a, hetiang zela an puk chuan kum 40 lo sawrkar tawh ten kum 40 chhunga an bat aiin ZPM sawrkar in kum 5 chhunga an puk hi a tam thei dawn tihna a ni," tiin a sawi.

PRESS STATEMENT OF MEDIA DEPARTMENT

MIZORAM PRADESH CONGRESS COMMITTEE

Dt 28.8.2025

Kan hriat theuh angin kan tunhnaiah ZPM sawrkarin sum a puk chungchang tunhnaiah a lar khawp mai a. Kan CM leh Minister thenkhat ten Budget chungchang hi tunhnaiah dikhlel deuhin an sawi fo mai a, chuvangin mipuiten thudik an hriat theih nan thudik han tarlan ve kan duh a ni.

RTI a zawhna Finance Departmenrt in an chhanna document-a a lan danin ZPM hian  sawrkar an kutken tan December 2023 atanga June 2025 thleng khan Vaibelchhe 6214.27 lai an puk tawh a, kum khatah vaibelchhe sangthum chuan an puk tihna a ni. 

ZPM sawrkar hnu a leibat tak tak chu vaibelchhe 500 tih te hi dawt chiang tak ani tih a chunga kan tarlan khian a tichiang hle a ni. CAG in Mizoram sawrkar sum dinhmun, unaudited provisional figure thla tin a tarlan thin ah hian kum 2024-2025 chhung khan vaibelchhe 3133.45 lai an puk a, Budget a puk an tum chu vaibelchhe 1365.70  a ni a, an puk tamna hi 229.44% lai a tling a ni. Kum 2025-2026 Budget ah hian vaibelchhe 1651.68 puk tur in an in budget a, June thlenga CAG  report  an tichhuah tawh ah vaibelchhe 1178.53 lai an puk tawh a, thla thum chhungin an puk tum zat 71.35% lai an puk tawh a, an puk hnem leh dawn hle a ni. 

Hetianga an puk chhoh zel chuan term khat chhungin, 'kum 40 chhung lo sawrkar tawh ten engmah an lo ti lo,' 'sum an puk tawk tawk a, mipui min dahkham' titu te hian vaibelchhe 15000 chuang an puk thei dawn a nih chu. Tuna kan leiba hi 2024 - 2025 Budget-a a lan danin vaibelchhe 14034.76 a ni a, hetiang zela an puk chuan kum 40 lo sawrkar tawh ten kum 40 chhunga an bat aiin ZPM sawrkar in kum 5 chhunga an puk hi a tam thei dawn tihna a ni. 

Sawrkar leiba kan rulh zel avangin kan leibat tak hi chu a tlem hle te an ti a. Hei te hi chhut chian a ngai hle. Sum puk thenkhat chu a pung nena a kum leha rulh nghal ngai te a ni. An sum puk thenkhat hi chu kum 10 hnu-ah a pung mai bakah a Capital nena sawrkar lo awm tur ten an rulh ngai a ni. An rulh leh nghal na tur sum an puk thenkhat NABAARD atang te a sum an puk hi a tam lova, mipui hmaa dawt hmanga insawithiam tumna a ni. Sawrkar pawisa puk te hi periodically, hunbi neia rulh tur a ni a, rulh dan pawh RBI in Mizoram sawrkar account atangin a lo cut thin a, a hrana rulh a ngai hran lo. ZPM Sawrkar hi hemi kawngah hian an vannei em em zawk. Kum 10 kalta a Congress sawrkarin Year of Consolidation an puan hlawhtlin em em zar kha an zo a, Sum an puk tlem leh Budget surplus hial an lo neih kha a nghawng a lo lang a, sum puk sa rulh tur an neih tam loh phah hle.

Chief Ministerin Independence Day-a a thusawi kha ama ziak ni anih thu a sawi te kha kalphung pangai, chin dan thin ang lo a ni a, a dik lo hle. Sawrkar hmalakna, leh hmachhawp te Department hrang hrang ami Department hotuten an lakhawm anga chu mi remkhawm chu Chief Minister sawi atan an buatsaih thin a, chu chu Chief Ministerin a chhiarchhuak thin, an duh angin an ziak ngai lova, politic a hlawkpui phei chu an tum ngai lo. Tuna kan sawrkar hrawn mek hi chun tihdan thin pawh an malmak hmiah mai a, kalphung tha lo tak a ni. Protocol nei lo ang maiin an kal a, Concerm Minister te lo sawi khalh leh lo sawi sak ching Minister leh MLA te an awm bawk a, kalphung thar hi a mumal lo hle a ni. 

Kan CM leh Minister te hian am duh dan dan in Mizoram sawrkar sum dinhmun leh budget te hi an interprete a, belhchian dawl lo taka an sawi thin hi thil dik lo tak a ni a, a pawi hle a ni. Hetianga ram kaihhruai hi DAWT hmanga ram kaihhruaina niin kan hria a, sim vat se, thudik hmangin kan ram kaihruai ve tawh turin kan ngen a ni.