Inter – College Debate Competition 2025-ah NIELIT zirlai Jire Lalfakawma a thiam ber!

Aizawl | August 7, 2025: Mizo Zirlai Pawl (MZP) leh Urban Development & Poverty Alleviation (UD&PA) ṭangkawp buatsaih Swachh Bharat Mission (Urban) & MZP Inter–College Debate Competition 2025 chu August 5 - 6, 2025 khan Chanmari YMA Hall-ah neih a ni a, UD&PA Minister K Sapdanga'n khuallian niin hun a hmanpui.

Inter College Debate Competition 2025- ah hian NIELIT zirlai Jire Lalfakawma chu pakhatna a ni a, Pachhunga University College zirlai PC Lalringzuala chu pahnihna niin, Govt. Aizawl College zirlai Samson Lallawmkima chu pathumna a ni.

He in elnaah hian Aizawl khawpui chhunga college - Govt Aizawl College, Govt.Aizawl North College, Govt Hrangbana College, Govt T Romana College, Pachhunga University College leh NIELIT Aizawl te an tel a. Zirlai 12 ten inelna hi an hmachhawn a ni.

He hunah hian college zirlaite hian, 'Khawpui Fai nei turin Faina kawnga inzirtir (Awareness Campaign) aiin sawrkarin dân a kenkawh ṭhat a pawimawh zâwk' leh 'Ṭhalaiten faina kawnga hma an lâk hi sawrkar hmalâkna aiin mipuiah a tlana zâwk,' tih thupui hmangin debate an nei a ni.

He hunah hian Home Minister K Sapdanga leh MZP President H Lalthianghlima ten thu an sawi.