"he dan sakei, kan ram, kan forest hralhna a'n adopt leh si hi - sum duh vangte, BJP sorkar hnuaia intukluhna te lo chu engmah a ni lo,"

Aizawl | August 28, 2025: Centre for Environment and Social Justice (CESJ) Founder & Chairman Vanramchhuangi (Ruatfela Nu) chuan, "he ZPM sorkarin a FCAA 2023 a adopt hi 100% in kan ram hralhna a ni," a ti a, "he dan sakei, kan ram, kan forest hralhna a'n adopt leh si hi, eng vang nge, sum duh vangte, BJP sorkar hnuaia intukluhna te lo chu engmah a ni lo," a ti.

| Ruatfela Nu | Photo: Mizoram Click |

Vawiin chawhnu dar 2;30 vel khan Centre for Environment and Social Justice (CESJ) Mizoram Assembly-in nimina Forest (Conservation) Amendment Act, 2023 (FCAA 2023) a pawm tak duh loh lantirna hi Mizoram Assembly kawtah an nei a, hun an hman zawhah thuthar thedarhtute hmaah thu sawiin, CESJ chairman chuan, "sum duh vangte, BJP sorkar hnuaia intukluhna te lo chu engmah a ni lo," a ti.

Rally huaihawt tura ngenna an dawn hnem thu sawiin, "Joint Civil Society, Mizoram angin hma kan la ang, sut leh tura ngenna kan siam ang," a ti.

Ruatfela Nu chuan, "Aizawl DC hnenah Aizawl by-pass enviroment dan leh hrai bawhchhiaa laih tlawng luia lut stay tura ngenna kan thehlut a. Mi 14 kan thawkchhuak a.

Forest (Conservation) Amendment Act, 2023 (FCAA 2023) Mizoram Assembly-in a adopt hi duh lohna, sut leh tura ngenna kan ti dawn tho thova, amaherawh chu, kan inhmukhawm remchang em a, i zuk protest ang u, kan ti a ni.

Hei hi tribalte ram an chhuhsakna a ni, British hunlai atangin tribalte ram thiam taka an chhuhsakna a ni.

Chuvangin, he ZPM sorkarin a FCAA 2023 a adopt hi 100% in kan ram hralhna a ni. Kum 2023 June - July vela BJP sorakarin amendment bill a pulut a, parliament in hnih-ah a pass a, Mizo mipui rilru nat zia kha, kan mangang a ni. Khatih laia sorkarna chelhtu MNF-in a duh lohna resolution a pass khan kan lawm a ni mipui mipui kha kan thaw huai a ni.

Tuna ZPM CM hi Opposition leader a ni a, ani phei chuan bill a thlawpnaah khan, "in ti nep, rally te huaihawt ila, he FCAA duh lohna hi kawngzawh te nei ila," a ti a, statement sei tak a siam zui a, chuti chunga vawiin ni, a kum hnih hnua he bill, he dan sakei, kan ram, kan forest hralhna a'n adopt leh si hi, eng vang nge, sum duh vangte, BJP sorkar hnuaia intukluhna te lo chu engmah a ni lo, kan tia ni. Chuvangin, Kan tribal pui - Nagaland, Meghalaya te chuan an tih ve kan ring lo.

Rally huaihgawt tura min ngen an tam a, amaherawh chu, Joint Civil Society, Mizoram angin hma kan la ang, sut leh tura ngenna kan siam ang," a ti bawk.