Aizawl | July 22, 2025: World Police and Fire Games 2025-a Judo Gold Medalist Lalhumhimi lawmpuina hun chu vawiin chawhnu dar 2 khan Mizoram Judo Association buatsaih Mizoram Judo Hall, Zemabawk North-ah hman a ni.
World Police & Fire Games 2025 hi June 27 to July 6, 2025 khan Birmingham, Alabama, USA ah neih a ni.
World Police & Fire Games 2029 hi India-in a thleng dawn a, Gujarat-ah Ahmedabad, Gandhinagar leh Ekta Nagar, -ah te nghah tura ruahman a ni.
Lalhumhimi hi kum 2017 khan SSB (Sashastra Seema Bal) hriatthiam awlsam zawng in Central Armed Police Force hi a zawm a, tun Tournament khel tur hian a kalkawng a thui hle a, Nikum June thla a neih All India Police Judo cluster 2024 Guwahati, Assam a neih ah khan India ram hrang hrang atang a Police Judo khel thiam zing ah -52 kg huang ah champion in Gold medal a la a. Chu ta Gold medalist ho chu India Police aiawha khel tur a thlan an ni a, In puahchah nan Patiala, Punjab a India camp ah May thla a tang khan coaching camp an tan a, thla khat chuang zet an Camp hnuin June 24, 2025 khan World Police and fire Games 2025 chu khel turin USA an pan a. An khelhna hmun hi Birmingham, Alabama, USA a ni.
India tan hian mipa 7 leh hmeichhia 6 an kal a, mipa hian Gold - 2 Silver - 1 Bronze - 4 leh hmeichhia hian Gold - 3 Silver - 3 an la a ni. Humi hian Final ah Indonesia nu hnehin a Champion a ni.
June 31, 2025 khan US atangin India ram lam ah an lo let leh a, lo haw tlang nghal pawh duh, mahse, kan hma lawk a Senior National Judo championship lo awm tur atan inpuahchah nghal a ngai dawn sia an hmunpui Delhi lamah a practice chhunzawm tur in a in-report leh nghal a ni.
Mizoram Judo Association chuan he a hlawhtlin na ah hian lawmpui ve ngei nise kan tia, hun remchang te zawng in alo haw thei hlauh a lawmawm kan ti hle a ni.
Report tul dang:
Lalhumhimi hian Mizoram tan Medal alo ka nual tawh a chung te chu-
Junior National ah Silver -2
Bronze -1
Senior National ah Gold -1
Bronze - 4
All India Police Judo cluster ah Gold-2
Silver - 1
Bronze -1
National Games ah Gold medal -1 (Gujarat 2023) ah khan lo la bawk ani.
International lamah hian vawi 3 lo fehchhuak tawh a chung te chu:
• Grand Slam 2019, Germany
• Dushanbe Grand Prix 2023, Tajikistan
• Croatia Grand prix 2023
[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]
(Feedback at: admin@exploremizoram.com )
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: