REV Dr H KILLUAIA CHANCHIN

(22nd August 1939 - 11th July 2025)

— Gilbert Renthlei

Revd H Killuaia hi August 22, 1939 khan Chawnhu khuaah a piang a. A pa hi Mangsaia niin, a nu chu Lawngdawhi a ni. An unau hi 16 an ni a. Mipa 13 leh hmeichhia 3 an ni. A naupan lai atanga naupang chak leh hrisel, huaisen tak, a thil tih tum tawh chu hlawhtlin ngei ngei tum mi a ni.

Kum 1953 khan Chawhnu Tuikhurah Pastor Thanzinga’n baptisma a chan tir a. Chhandam nih inhriatnain Zoram a tuam chhoh laiin Chawnhu khuaah Upa Sangluaia (Paithar) hovin camping buatsaih a ni . 6th September, 1963 zanlai dar 12-ah chhandam nih inhriatna a chang. Kum 1965-ah Bangladesh (E.Pakistan) Mire ramah Ramthim Board, Lawngtlai tirhin a kal a. Kum hnih chhung Comilla Central Jail-a a zu tan hnuin kum 1967-ah a rawn chhuak a. Jail a tan chhung hian a thi tawha ngaih a nih avangin a nupui Tialdawli chu pasal dang an lo neih tir hman a ni.

Kum 1968-ah L.Th zir turin kohhran tirhin Jorhat-ah a kal a. 22nd April, 1969-ah Dibrugarh Medical College-a Nurse hnathawk Chhunkimi nen, Rev Biaktluanga Tlau chuan a inneih tir a. Pi Chhunkimi nen hian fapa 3 an nei. LTh a zawh hnu hian BTh a zo leh a, hna a thawh hnuah BD a zo leh a ni.

An tu leh fate:-

1. Samuel Ramdinthara H/o Bawihchhingpuii.

An fate: Lalramchhana, Lalramdinsangi, Lalrammuanpuia.

2. David Lalramhluna H/o Lalchuailovi.

An fate: Lalremruata (L), Lalremfela, Lalremmawia.

3. Benjamin Lalhmingliana H/o Dr Lalzarmawii (L).

An fate: Rochansangi, Roneihpuii, Rohluzuali, Roluahpuia.

A RAWNGBAWLNA: 1st June, 1972-ah Pro Pastor a ni tan a. 7th March 1975-ah Rev KT Chungnunga’n Ebenezer Kohhran Biak In, Zobawkah Pastor atan a nemnghet a. Pastor hna a thawh chhungin Tawipui Bial, Phawngpui Bial, Chawngte Bial, Vaseitlang Bial leh Theiriat Bial-ah te a awm a. Principal, Jubilee Bible School Serkawn, Principal, Missionary Training Institute Serkawn, Chaplain (Christian Hospital Serkawn, Lunglei Civil Hospital leh District Jail Sazaikawn) hna te a chelh hman bawk.

Tawngtai mi a ni a. A pension hnuah Nehemia Prayer Mountain, Tlawng hnar, Zobawk am hi harsatna tam tak paltlangin a sual chhuak a ni. Hla 80 chuang a phuah a, “Lalpa min tawngtai tir rawh” “Indona” “Tho la, Lalpa hnenah tawngtai rawh” “Chhun zanin tawngtai rawh” tih leh Zoram dung leh vanga Pathianin a hman tak tak hla a nei nual a ni. Lehkha ziakmi a ni a, lehkhabu 33 a ziak hman. Tunah hian ziah zawh tawh, la publish loh pakhat a nei mek bawk.

Chanvo pawimawh a chelh tawh te

A. Tualchhung kohhran-ah.

1. Kohhran Committee Member nghet (Ex-Officio).

2. Worship & Music Committee member.

3 Building Committee Chairman.

4. Property Committee member.

5. Building Committee member.

6. Social Concern Committee member.

7. Sunde Sikul Senior B Zirtirtu, term khat.

B. Pastor Bial-ah.

1. Bial Chairman.

2. Pastor Bial, Building Committee Chairman.

3. Bial Executive Committee (Ex-Officio).

4. Bial Inkhawmpui (Ex-Officio).

C. Area Baptist Council(ABC)-ah.

1. ABC Chairman Elect.

2. ABC Chairman.

3. Lawngtlai ABC Asst.Secretary. 1976 -77, 1977-79,1979-80.

4. ABC Executtive Committee Member (Ex-Officio).

5. ABC Inkhawmpui (Ex-Officio).

D. Assembly / Mizoram huap-ah.

1. Board of Institution member.

2. General Committee member.

3. Central Committee member.

4. Mission Committee member.

5. Service Committee member.

6. BCM Headquarter O.B Committee member.

7. Assembly Executive Committee member.

8. Chanmari, Kohhran buai, Commision Member.

9. Revival & Evangelism Committee member.

E. Khawtlang rawngbawlna hrang hrang chelh tawh te

1. President hmasa ber, Bible Society Hnahthial branch(Founder).

2. President hmasa ber, D,W.C. Hqrs.Lunglei.

3 Founder of ZNP.

4. President hmasa ber, ZNP Sub-Hqrs; Lunglei.

5. President, MNF Sub-Hqrs;Lunglei.

6. MUP Vice president, Chanmari,Lunglei.

7. Wildlife Advisery member, Forest Dept. Gov’t of Mizoram.

8. Environment & Forest member, Gov’t of Mizoram.

9. Secretary, Ramthim Board, Lawngtlai.

10. President, Ni 12 & Zan 12 Chawnghei tawngtai @ Baje Mual Lunglei, 2008.

11. Member, Prayer for the World, Mizoram.

12. SEAMS Executive Committee member. Lunglei.

13. Adviser, Mizo Academy of Letters(MAL), Joint Hqrs Lunglei.

14. Board of Adviser, The American Biographical Institute Inc.

F. AWARD A DAWN TAWH TE

1. 'Rastriya Gaurav Award' @ New Delhi, 17th Dec, 2002.

2. 'Thu leh Hla' Kutpui @ Aizawl ,29th Nov, 2011 by Mizo Writers Association, Director Arts & Culture Dept, Mizoram.

3. Chawimawina: 'Thu leh Hla' by Mizo Academy of Letters, Joint Hqrs Lunglei @Town Hall Lunglei on 8th July,2011.

4. Lifetime Achievement Award, Vulmawi Award by Vulmawi Daily Newspaper, Lunglei, 2022.

5. Doctor of Divinity, World Peace Institute of United Nations, 9th February, 2023.

6. Doctor of Ministry, South Asia Theological Seminary, Bengaluru, 26th April, 2023.

G. THU LEH HLA A NGAINAT BIK TE

1. Hla ah :

a. Lalpa I thu hi a hlu ber (KHB 562).

b. Ro min relsak ang che (KHB 585). (Mizo national Song).

2. Bible thu ngainat te :

a. Ka hunte hi I kuta awm a ni. Sam 31:15.

b. Pathianin khawvel a hmangaih em em a, chutichuan a fapa mal neih chhun a pe a. Amah chu tu pawh a ring apiang an boral loh a, chatuana nunna an neih zawk na’n. Johana 3:16.

A HUN TAWP LAM

5th June 2025 zan khan zunram thiar tura mut pindan atanga a chhuak chu kawngkhar bulah a tlu a, a tu leh faten a thawm hriain an buaipui nghal a, tha takin a mu leh mai a. A tuk lamah a khua a sik mai bakah a tawng te fiah loh deuh avangin Christian Hospital Serkawn-ah inentirin kalpui a ni a, an lo admit a. A thaw a hah tak telh telh avangin englai pawhin oxygen hip a ngai a, a hun tawp thlengin a thlah thei ta lo a ni.

Hma a sawn theih lutuk loh avangin 13th June 2025 khan Helicopter-in Aizawl panpui a ni a, Ebenezer Hospital-ah tlan luh pui a ni a. A natnain zual lam a pan deuh zel avangin a chuapa harsatna awm chhan hriatchhuah theih beiseiin ZMC Falkawnah 30th June 2025 khan an insawn phei leh a. Bronchoscopy hmanga a chuap dawt vel te en in sample te lak a ni a. 10th July 2025 khan nidang aiin a chau zual a, ZMC lamah ICU ruak a awm mai loh avangin, tlai dar 4:00 vel khan Trinity Hospital ICU ah dahluh a ni a. Zan dar 8 velah zia awm lam a pan theih loh avangin Ventilator vuah a ni a. Beiseina sang tak kan neih laiin 11th July 2025 zinglam dar 1:00 khan chatuan ram min pan san ta a ni.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]