Central YMA ruihhlo do pawl CADS 2nd Batch lakluh a ni

Aizawl | July 8, 2025: Nimin 07.07.2025(Thawhtanni) tlai khan Central YMA hnuaia ruihhlo do pawl, Central Anti Drugs Squad (CADS) 2nd Batch chu Central YMA Hall-ah ruihhlo do hna kal pui tan turin lakluh an ni. CADS 2nd Batch lakluhna inkhawm hi Central YMA Vice President Prof. Lalnuntluanga'n a kaihruai a, CADS member inhmelhriattirna hun hman a ni. 




Lakluhnaah hian Central YMA President Lalhmachhuana'n CADS memberte chu rinawm tak leh ram leh hnam chhan duhna tak tak pu chunga ruihhlo do hna kal pui turin a chah. Ruihhlo do hi ngaia nei mai lova tha thar leh inpekna thar kal pui a tul thu a sawi bawk. 

CADS 2nd Batch ah hian Aizawl khawpui chhunga Branch YMA hrang hrang atanga aiawh te member atan ruat an ni a, membet 42 an awm dawn a ni. Convener atan Pu Fabian Lalfakawma, Assistant Secretary ruat a ni a, ani bakah hian Asst. Convener leh Secretary 2 ruat an ni bawk.

March 15, 2025 atang khan CADS 1st Batch ten an thawk tan a, June 30,2025 ah an term a zova. 2nd batch ten an thawk tan veleh dawn a ni.






Post a Comment

He post chungchanga i ngaihdan lo sawi ve rawh:

Previous Post Next Post