Aizawl | July 7, 2025: Zo Re-Unification Organisation (ZORO) chuan Myanmar ram chhung Chin State-a Chin National Organisation (CNO) leh Hualngoram Peoples Organisation (HPO) te inkara buaina chhuak leh inkahna, thisen inchhuahsakna hial a thleng chu pawi a ti a. He buaina avanga pawi sawi lo nunau thlabar manganga sang tam tak an awm leh hmun him lam pana mahni in leh lo tlansan a ngai hial te chu ZORO chuan pawi a ti tak zet a ni.
ZORO chuan Unau, thisena inzawm nunna inlaksak tuma ralthuam hial chelek a ni thin hi tha a tilo hle a, a phal lova, tun hnuah hetianga unau inkara buaina chhuak-ah ralthuam chelek zawnga chet la tawh lo turin ZORO chuan kan unau Zofa chi tinte a ngenin a hriattir nghal bawk a ni.
Kan hriat theuh angin Myanmar ram chhungah hian State Administration Council (SAC) sual sipai ral neiin thih leh dam karah nunphung pangai tak pawh zawh thei lovin kan awm mek a, tanrual hun tak meuh meuh a nih laia keimahni leh keimahni kan lo inbeihna hian kan tan rah tha engmah a chhuah dawn lova, SAC awpbehna hnuaia kan awmna ni khua ti sei tu mai a ni dawn a ni.
Chuvang chuan, ZORO chuan Chin National Organisation (CNO) leh Hualngoram Peoples Organisation (HPO) te chu inngaichang tawn tur leh boruak tipunlun zawnga hma la tawh lo turin a ngen a. Unau inkara inremna a awm theihna turin a khirh zawng nilo, a dam zawnga chinfel dan kawng zawng hram hram turin a ngen a ni.
Tin, ZORO chuan remna a awm theih na tur hian a tul ang angin, a tawp thlengin hma ala chhuinzawm zel ang.
ZO RE-UNIFICATION ORGANISATION (ZORO)
PRESS RELEASE
Zo Re-Unification Organisation (ZORO) chuan Myanmar ram chhung Chin State-a Chin National Organisation (CNO) leh Hualngoram Peoples Organisation (HPO) te inkara buaina chhuak leh inkahna, thisen inchhuahsakna hial a thleng chu pawi a ti a. He buaina avanga pawi sawi lo nunau thlabar manganga sang tam tak an awm leh hmun him lam pana mahni in leh lo tlansan a ngai hial te chu ZORO chuan pawi a ti tak zet a ni.
ZORO chuan Unau, thisena inzawm nunna inlaksak tuma ralthuam hial chelek a ni thin hi tha a tilo hle a, a phal lova, tun hnuah hetianga unau inkara buaina chhuak-ah ralthuam chelek zawnga chet la tawh lo turin ZORO chuan kan unau Zofa chi tinte a ngenin a hriattir nghal bawk a ni.
Kan hriat theuh angin Myanmar ram chhungah hian State Administration Council (SAC) sual sipai ral neiin thih leh dam karah nunphung pangai tak pawh zawh thei lovin kan awm mek a, tanrual hun tak meuh meuh a nih laia keimahni leh keimahni kan lo inbeihna hian kan tan rah tha engmah a chhuah dawn lova, SAC awpbehna hnuaia kan awmna ni khua ti sei tu mai a ni dawn a ni.
Chuvang chuan, ZORO chuan Chin National Organisation (CNO) leh Hualngoram Peoples Organisation (HPO) te chu inngaichang tawn tur leh boruak tipunlun zawnga hma la tawh lo turin a ngen a. Unau inkara inremna a awm theihna turin a khirh zawng nilo, a dam zawnga chinfel dan kawng zawng hram hram turin a ngen a ni.
Tin, ZORO chuan remna a awm theih na tur hian a tul ang angin, a tawp thlengin hma ala chhuinzawm zel ang.
Sd/-
(LALENTLINGA)
General Secretary
No. ZORO-GHQ/2025-28/D-1 Dated : 7th July, 2025
Post a Comment
He post chungchanga i ngaihdan lo sawi ve rawh: