Aizawl | June 9, 2025: Vawiin ni 9.6.2025(Thawhtanni) khan Mizoram Rural Bank ( MRB) thawktu intelkhawm, Joint Council of MRB Union te chuan tunhnaia ruahsur nasa leh leimin avanga chhiatna tuarte tanpuinan Central YMA hnenah Rs.1,00,000/- an hlan.
Central YMA chuan Joint Council of MRB Union te chungah lawmthu a sawi.
Vawiin vek khan Central YMA hruaituten Chief Minister Lalduhoma chu a Pisa ah an kawm a, thu pawimawh hrang hrang an sawipui.
Central YMA hruaituten YMA Rorel Inkhawm thurel, Mizoram Lokayukta hnuaia Investigation Wing siam chungchang an sawi pui a. The Mizoram Lokayukta Act, 2014 ( amendment) a Investigation tih lai paih tawh Act a dah let leh tura ngenna an thlen bawk. Chief Minister hian lo en zui a tum thu a sawi.
March 15, 2025 a Union Home Minister Amit Shah lo zin tum a a tiam pahnih - Thingsulthliah a YMA rama Conference Centre sakna tur Rs 100 Cr dilna kal zel leh Narcotics Control Bureau (NCB) kaltlanga ruihhlo dona tur sum dilna thehluh tawh te chu lo bawhzui a tum thu a sawi bawk.
Central YMA hruaitute hian Ruihhlo ngaite enkawlna atana Jordan Centre, Sethawn a mi chu cheibawl rawtna an thlen bawk a. Jordan Centre enkawl chungchangah Sawrkar leh Kohhran te an indawr mek thu leh Sawrkarin ruihhlo ngaite enkawlna turah ngaihtuahna a sen mek thu a sawi bawk.
Kumin October thla a YMA Inkhawmpui Lian neihna tur Sakawrdai leh Mauchar inkar kawng pawh chak zawka siamthat hna kal pui a nih tur thu Central YMA hruaitute hi a lo hrilh bawk.
Chief Minister nena inkawmnaah hian Central YMA President Pu Lalhmachhuana leh Office Bearer dangte an tel.
• • • • • •
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: