MZP-in mi hlawhtlingte chawimawina hun hmang

Aizawl | May 27, 2025: MZP General Headquarters Aizawl chuan vawiin ni 27 May, 2025 chhun dar 12 khan MZP Conference Hall-ah MZP chhungkua, Book of the Year 2024 ziaktu bakah UPSC Civil Services leh Combine Defense Services a inziak tlingte leh HSLC top-9 a tling lawmpuina hun an hmang a. He hun hi Pu Zairemthanga Treasurer-in a kaihruai.

He hunah hian mi MZP President Pu H. Lalthianghlima chuan thu sawiin, "MZP -in hetiang lawmpuina hun kan hmang thei chu a lawmawm hle a, MZP chhungkua Civil Services a inziak tlingte leh kawng hrang hranga hlawhtlinna chang thalaite lawmpuina hlan tur an awm chu a lawmawm hle a ni. Lawmpui tlak, chawimawi tlak lo chhuak zel turin kan fuihin kan ngen che u a ni" a ti.

MZP President chuan, HSLC leh HSSLC Top-10 leh top-3 a mizo tlingte lawmpuina hun kan hmang tawh a, Govt. School-a qualified/trained teacher ngeiin a an zirtir chhuah naupang chawimawina hlan tur an tlem thin hle a, zirtirtute'n tan an lak thar a ngai hle a ni" a ti. Zirlai kalkhawmte hnehah tumruhna nen an zirna kawngah theihtawp chhuah tur leh eizawnna kawng awlsam leh him dap thiam turin a chah bawk.

Food,Civil Supply & Consumer Affairs Dept. changtu Minister Pu B. Lalchhanzova chu MZP Thenzawl hruaitu hlui anih angin, Minister hial a ni thei chu lawmpuina hlan a ni a, Minister chuan thu sawiin, "Mizote hi siamtu Pathianin ropui taka a siam kan ni a. Zofate hi khawi hmunah pawh dinhmun pawimawh leh dinhmun sang tak chelh thei tura din kan ni" a ti a. Zirnain mihring a siam puitlingin, a chher hriam thei hle a, taima taka hmalam hun atan kan in buatsaih a, engkim hmachhawn thei tura kan in buatsaih a ngai a ni a ti.

Pu Chhanzova chuan zirlaite fuihna thu sawiin, 'I awmna hmun tur milin insiamrem rawh' tih a ni ṭhin a, mahse tunlai khawvelah chuan thil dik leh ṭha ni a kan hriatah chuan khawvel hi lo insiamrem ve zawk mai se. He khawvel hi ṭhalai nun milin lo inher rem ve mai zawk rawh se" a ti a, ram leh hnam tana ṭha ber tur ni a kan hriatah chuan huaisen taka kan din tlat a, thil dik lo hre rem ngam tur kan ni, kei pawhin sawrkara ka department enkawl-ah hian thil diklo leh fello laite siamrem turin theihtawp ka chhuah mek zel a ni" a ti bawk.

He hunah hian Pu B. Lalchhanzova bakah, lawmpuina hlan hrang hrangte hnen atangin thusawi ngaihthlak a ni a. Kawng hrang hranga hlawhtlinna changte hnenah hian MZP chuan MZP puan (sash) leh lawmpuina thuziak hlan an ni. Nl. Catherine Lianhlupuii, ECM chuan hunserh hmangin, Pu F. Lalnienga, Adviser in lawmpuite fuihna thu a sawi bawk.

Lawmpuina hlan te chu:-

1. Pu B.Lalchhanzova, MoS

Ex - President

MZP Sub Headquarters, Thenzawl

2. Dr. C. Lalremruata

Vice President

MZP General Headquarters

Doctor of Philosophy (Honorius Causa) in Social Work

3. Pu F. Vanlalrochana, MPS

Writer, Book of the year 2024

4. Lawrence Lalhlanthara, MCS

Ex ECM, MZP General Headquarters,