Aizawl | May 6, 2025: Mizoram Board of School Education (MBSE) chuan vawiin chhun dar 12 khan Higher Secondary School Leaving Certificate (HSSLC) 2025 result a tichhuak a, Arts, Science leh Commerce topper te hmeichhia vek an ni.
Arts topper hi Lalrammawii Tochhawng D/o Reuben Lalrinkima, Mount Carmel School, Aizawl niin, mark 471 hmuin topper a ni a. Science topper hi Cynthia Lalhlupuii Shangpliang, d/o Kyrshanbor Shangpliang, St Paul's HSS niin, mark 477 a hmu a. Commerce topper hi Kristin Laldinpuii Ralte D/o Lalsangliana Ralte, Oikos HSS niin, mark 470 a hmu a ni.
HSSLC pumpuiah 81.10% an pass a, Arts bikah 80.13% an pass a, Science-ah 85.63% pass-in, Commerce ah 74.42% an pass bawk.
Topper-te:
Science topper hi Cynthia Lalhlupuii Shangpliang, d/o Kyrshanbor Shangpliang niin, St Paul's HSS-ah kalin, mark 500-ah mark 477 hmuin Science topper a ni a. Falkland Veng, Aizawl-ah chengin an khawsa a. Social media a khawih vak lova, Youtube erawh a en ve thin.
 |
| Cynthia Lalhlupuii Shangpliang |
Medical lama kal chhoh a tum a. Sikula an lehkha zir bakah, darkar li chhung Online class an la leh thin.
Topper zingah Science topper Cynthia Lalhlupuii Shangpliang hian mark a hmu sang ber a, ani hi pawl 10-ah pawh topper a lo ni tawh a, ani bakah hian a u Simon Lalremsiama pawh pawl 10 leh 12 ah topper a lo ni tawh bawk a ni.
HSSLC Arts Topper Lalrammawii Tochhawng D/o Reuben Lalrinkima hi Mount Carmel School, Aizawl-ah kalin, HSSLC Exam-ah mark 500-ah mark 471 hmuin topper a ni a. Khatla East, Aizawl-a cheng an ni.
 |
| Lalrammawii Tochhawng |
"Top 10 pawh ka inbeisei lova, ka result hian min thawng," a ti a. "Topper a nihnaah an zirtirtute a fak hle."
"Civil Service lamah kal ka tum," a ti a, "Social media chu ka khawih ve tho a, amshe, lehkha ka zir dawn chuan, ka dahbo thin," a ti bawk.
HSSLC Commerce Topper Kristin Laldinpuii Ralte D/o Lalsangliana Ralte hi Oikos HSS, Aizawl-ah kalin, HSSLC Exam-ah mark 500-ah mark 470 hmuin topper a ni a. College venga cheng an ni.
HSSLC Commerce Topper Kristin Laldinpuii Ralte D/o Lalsangliana Ralte hi Oikos HSS, Aizawl-ah kalin, HSSLC Exam-ah mark 500-ah mark 470 hmuin topper a ni a. College venga cheng an ni.
 |
| Kristin Laldinpuii Ralte |
"Top 10 te chu ka beisei ve a, mahse, topper em chu ka beisei ngam lo. Result kan hriat khan kan lawm em em a, kan hlim khawp mai," a ti a ni.
Online-a Result en theihna tur leh en dan tur:
HSLC Result hi MBSE website - www.mbse.edu.in emaw mbseonline.com -ah en theihin a awm ang.
WhatsApp leh Call hmangin +919863883041 leh +919863722521 ah te zawh theih a ni bawk.
mbseonline.com atanga result en turin mbseonline.com ah i lut anga, chumi hnuah My Result-ah i hmet leh.
Hetianga kal kual kher lo hian, direct link https://www.mbseonline.com/my-result ah hian hmeh mai theih a ni bawk.
Hetah hian, a hnuaia kan dah ang hian Examination-ah hian HSLC leh HSSLC thlan tur a awm ang a, pawl 12 result en tur tan HSSLC i thlang ang a. Chuan, Board roll no, leh Board registration no. i chhu lut leh ang.
MBSE website www.mbse.edu.in aṭanga lutte tan a hnuaia thlalak kan dah ang hian result tih ah hmeh tur a ni.
Result en tur an tam thin vangin MBSE website i lut tlang lawk thei lo a nih chuan India Results aṭangin a en theih thin a, a link chu http://mizoram.indiaresults.com/mbse/default.aspx a ni.
A hnuaia kan dah hi India Results aṭanga result enna lan dan a ni.
Result en turte lo inrin lawk theih nan - Pawl 2 ah hian hming, registration no. leh roll no. te chu a pawimawh zual a ni.
• • • • • •
[Subscribe telegram channel for updates- https://t.me/exploremizoramchannel ]
(Feedback at: admin@exploremizoram.com )
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: