Hnam Sipaite zahna lantir nan kawng zawh dawn

Aizawl | May 13, 2025: BJP Mizoram huaihawtin naktuk chhun dar 12 hian Hnam Sipaite zahna lantir nan kawng an zawh dawn.

MZP buatsaih Ram Chhan Kawngzawh | File Photo |

Naktuk May 14, 2025 chhun dar 12:00 hian tunhnaia indona hi mipui chhanna atan leh ram venhimna atana indona a nih angin, kan ram Pasalthate zahna leh kan Support zia lan tirna kawng zawhna neih turin BJP Mizoram chuan an ruahman.

"Ral hmatawnga awm Mizo tlangval Sipai huaisen  chhungte, Ex-Service leh NGO te, Party hrang hrangte leh Mizo mipuite, he kawngzawh hi Party bil awm lova India mi kan nih anga buatsaih anih angin he hunah hian lo tel vek turin kan sawm che u a ni e." BJP Mizoram State President Vanlalhmuaka cuan mipui a sawm.

War Memorial Treasury Square atanga Vanapa Hall kawt thleng kawng hi zawh an tum a, Programme tawi hman an tum bawk a ni.

BJP MIZORAM HEADQUARTERS, PRESS RELEASE DATED THE 13TH MAY 2025 : NO.BJP/MZ/HQR/PR-44.

HNAM SIPAI TE ZAHNA LEH KAN SUPPORT ZIA LANTIRNA KAWNG ZAWH TURIN MIPUITE KAN SAWM E - Pu Vanlalhmuaka.

"OPERATION  SINDOOR" ral hmatawnga awm India Sipai, Mizo tlangval huaisen te zahna chibai kan buk a che u. Mizoram  Kohhran hrang hrang te leh Mizo mipuiten  kan lo tawngtaipui reng che u a ni tih in lo hriat ngei kan duh a ni.

 

Pahalgam, Jammu & Kashmir a Pakistan thlawp Firfiak ten pawisawi lo te pawng kahin Nunna hlu tak an chan kha pawi kan tiin an chhungte kan tawrhpui tak zet zet a ni.

Terrorist te support-tu Pakistan hian an pawikhawih nasa tak avang hian an tuar ngei tur a ni tih hi kan dinna a ni a.  Pakistan Occupied Kashmir leh Pakistan hmuna ralmuang taka Terrorist awmna te kan Prime Minister Pu Modia kaihhruaina leh rem hriatna hnuaiah  kan Sipai ten an tichhe nasa hle a.

He indonaah hian kan Mizo tlangval huaisen engemaw zah ral hmatawngah an awm a. Kan ram tan zan mu lo leh thih huamin ral an do a ni.

Naktuk 14th May, 2025 dar 12:00 noon hian he indona hi mipui chhan na atan leh ram venhimna atana indona a nih angin, kan ram Pasalthate zahna leh kan Support zia lan tirna kawng zawhna neih turin kan ruahman a.  Ral hmatawnga awm Mizo tlangval Sipai huaisen  chhungte, Ex-Service leh NGO te, Party hrang hrangte leh Mizo mipuite, he kawngzawh hi Party bil awm lova India mi kan nih anga buatsaih anih angin he hun ah hian lo tel vek turin kan sawm che u a ni e.

Kawng zawhna hmun tur hi War Memorial Treasury    Square atanga Vanapa Hall kawt thleng zawh tur ani a, Programme tawi hman tur a ni bawk ang.

Issued By IT & Media Department BJP Mizoram Headquarters Aizawl Mizoram.