Lirthei neitute chu ram leilung fate hnenah ngei an lirtheite hlan thin turin an ngen!
Aizawl | May 8, 2025: Aizawl Two Wheeler Taxi Association (A.T.T.A) Aizawl chuan May 5 khan thuchhuah siamin, 'Ram leilung faten kan chanvo kan hum him zelna turin, hnam dang Two Wheeler Taxi khalh an awm leh awm loh dapchhuah nise' tia an lo rel tawh chu a taka kalpui an tum tih an tarlang a, hemi chungchangah hian sawrkar thuneitute thawhpuina ngenin mipui te support na an dil tel nghal bawk.
ATTA chuan, Two Wheeler Taxi neitute pawh ram leilung fate ngei khalhtir thin tur leh, Lirthei tihral tum te pawh ram leilung fate hnenah ngei tiral thin turin an ngen nghal bawk.
ATTA chuan, "Two Wheeler Taxi khalh a eizawnnaah hian ram leilung fa ni lo ten he eizawnna min lo tawmpui ve hi tha kan ti lo a, hnam dang leh ram dang mi ram leilung fa ni lo Voters ID leh Adhar Card pawh nei lo ten he eizawnna an lo kalpui ve hi kan duh lo a, India khua leh tui zingah pawh hnam dang ILP nei te chu ILP in a phut ang ni lo a Two Wheeler Taxi khalh an awm a nih chuan thuneitu hnenah thlen zel kan tum a." an ti a. "Mipui te pawhin ram leilung faten kan chanvo kan humhimnaah min support-na kan ngen a, nakin zelah kan ram tan a ni tih min hriatsaka ram leilung fa ni lo hetiang eizawnna lo kalpui a hlawkna lo tel kan hriat chuan a rang lama thuneitute hnenah emaw Aizawl Two Wheeler Taxi Association hruaitute hnen a hriattir turin kan inngen a ni." an ti.
Aizawl Two Wheeler Taxi Association (A.T.T.A)
Aizawl, Mizoram
Lalfakmawia Denis Lalrinmawia Ralte
President - 8837496854 Gen Secretary- 936657893
Dated Aizawl, the 5' May 2025
THUCHHUAH
Aizawl Two Wheeler Taxi Association (A.T.T.A) General Assembly 2025 Zarkawt Community Hall a neih chuan, 'Ram leilung faten kan chanvo kan hum him zelna turin, hnam dang Two Wheeler Taxi khalh an awm leh awm loh dapchhuah nise' ti a a lo pass chu bawhzuiin sawrkar thuneitute thawhpuina an ngen in mipui te support na an dil tel nghal bawk a ni.
Aizawl Two Wheeler Taxi Association te chuan, Two Wheeler Taxi khalh a eizawnnaah hian ram leilung fa ni lo ten he eizawnna min lo tawmpui ve hi tha kan ti lo a, hnam dang leh ram dang mi ram leilung fa ni lo Voters ID leh Adhar Card pawh nei lo ten he eizawnna an lo kalpui ve hi kan duh lo a, India khua leh tui zingah pawh hnam dang ILP nei te chu ILP in a phut ang ni lo a Two Wheeler Taxi khalh an awm a nih chuan thuneitu hnenah thlen zel kan tum a. Mipui te pawhin ram leilung faten kan chanvo kan humhimnaah min support-na kan ngen a, nakin zelah kan ram tan a ni tih min hriatsaka ram leilung fa ni lo hetiang eizawnna lo kalpui a hlawkna lo tel kan hriat chuan a rang lama thuneitute hnenah emaw Aizawl Two Wheeler Taxi Association hruaitute hnen a hriattir turin kan inngen a ni.
Tin, Two Wheeler Taxi neituten kan Two Wheeler Taxi khalhtu atan ram leilung fate ngei lo khalhtir thin turin kan inngen a, Lirthei tihral tum te pawhin kan lirthei tihral tur te kan mi hriatchian, ram leilung fate hnenah ngei tiral thin turin leh hnam dang hriatchian loh te hnen a kan lirthei te tiral lo turin kan inngen tak meuh meuh a ni e.
Aizawl Two Wheeler Taxi Association chuan zoram mipuite leh lirthei khalh a kan eizawnpui zawng zawng te thawhpuiah kan sawm in in mi support na kan ngen takzet a che u.
(DENIS LALRINMAWIA RALTE)
General Secretary,
Aizawl Two Wheeler Taxi Association (ATTA)
• • • • • •
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: