AAP-in phalna nei lova Skywalk sak mak ti; A neitu ZPM MLA nia sawi hriatchian an chak!

Aizawl | May 3, 2025: Mizoram AAP-in phalna nei lova Skywalk sak mak an ti a, A neitu ZPM MLA nia sawi hriatchian an chak tih thuchhuah siamin an tarlang.

Mizoram AAP chuan vawiin khan thuchhuah siamin, Skywalk/Skybridge, Aizawl Peak Resort, Zuangtui a mi, kumin February Ni 18 a kan Chief Minister in a hawn tak kha RTI-a chhanna kan hmuh danin phalna neilo a sak a ni a, Aizawl Municipal area a AMC hriatpuina tello a sak a ni hi mak kan ti hle a, he skywalk neitu pawh hi ZPM MLA ni a sawi awm hi hriatchian kan  chak hle a ni, an ti.

AAP chuan, "He Skywalk/Skybridge hi a ṭha in Mizoram tan leh Mizo-te tan inchhuanna tham a tling tak meuh a. Amaherawhchu AMC huam chhung ami AMC hriatpuina leh endikna tello a an siam hi a him tawk lo ang tih kan hlau hle a ni." an ti bawk.

"Social media a kan hmuh anga balu bag 600 dahchhin hmanga a him tawk leh tawk loh enfiah a ni hi a tak a nih ngai chuan modern technology tha ber hman a ni lo tihna a ni a, chhiatrupna thleng thei reng ni-ah ngaih loh a harsa kan ti hle bawk." an ti a. 

"He Skywalk hi Mizoram tan pawh a ṭangkai tak la ni zel tur hi engatinge AMC hriattir lo leh phalna nei lo a siam a ni tihte leh AMC lamin engatinge an hriatpui loh a siam/sak hi hma an lak loh leh hemi phenah hian Sorkara thuneitu liante an inrawlh em, tih hi kan zawhna a ni." an ti bawk.

PR.No.AAP.19/2024-25 Dated Aizawl : The 3rd May 2025

Mizoram AAP chuan Skywalk/Skybridge, Aizawl Peak Resort, Zuangtui a mi, kumin February Ni 18 a kan Chief Minister in a hawn tak kha RTI-a chhanna kan hmuh danin phalna neilo a sak a ni a, Aizawl Municipal area a AMC hriatpuina tello a sak a ni hi mak kan ti hle a, he skywalk neitu pawh hi ZPM MLA ni a sawi awm hi hriatchian kan

chak hle a ni.

He Skywalk/Skybridge hi a ṭha in Mizoram tan leh Mizo-te tan inchhuanna tham a tling tak meuh a. Amaherawhchu AMC huam chhung ami AMC hriatpuina leh endikna tello a an siam hi a him tawk lo ang tih kan hlau hle a ni.

Tin, Social media a kan hmuh anga balu bag 600 dahchhin hmanga a him tawk leh tawk loh enfiah a ni hi a tak a nih ngai chuan modern technology tha ber hman a ni lo tihna a ni a, chhiatrupna thleng thei reng ni-ah ngaih loh a harsa kan ti hle bawk.

He Skywalk hi Mizoram tan pawh a ṭangkai tak la ni zel tur hi engatinge AMC hriattir lo leh phalna nei lo a siam a ni tihte leh AMC lamin engatinge an hriatpui loh a siam/sak hi hma an lak loh leh hemi phenah hian Sorkara thuneitu liante an inrawlh em, tih hi kan zawhna a ni.

(JOSEPH BIAKTHIANGHLIMA)

Secretary,

Aam Aadmi Party Mizoram.