PYD te Chite lui tifaiin hnatlang

Aizawl | April 10, 2025: UPCNEI hnuaia ṭhalai pawl - Pentecostal Youth Department (PYD) Aizawl East District (AED) hnuaia Environment Protection Committee te hmalaknain vawiin khan PYD memberte Chite lui thianfaiin an hnatlang.

District PYD President Pastor J Lalhmingsanga'n Chite lui tifai turte a vai liam a, DFO Aizawl Division Lalnunsanga Khawlhring in thu a sawi bawk.

He hunah hian Aizawl khawpui chhunga Bial hrang hrang atangin PYD member 200 vel thawkchhuakin Bethlehem Vengthlang kâi Chite lui tihfai hna an thawk a, AMC ten bawlhhlawh paih motor an hmantir hmangin bawlhhlawh Garbage Bag 245 chuang an chhar khawm chu paih a ni.

Aizawl East District PYD Environment Protection Committee te hian Environment humhalh kawngah chak taka hma la in, hman khat daih Plastic hmang turtea awarness neiin tuihna leh ramngaw humhalh a nih theihnan chak takin hma an la mek bawk a ni.