MZP hruaitute'n Education Minister an hmu - zirlai mil a zirtirtu siksawi mek ṭha an ti!

Aizawl | April 17, 2025: MZP hruaitute'n Education Minister Dr. Vanlalthlana a Pisa-ah an hmu a, - zirlai mil a zirtirtu siksawi mek ṭha an ti!

Vawiin April ni 17, 2025 (Ningani) tlai dar 2:00 khan MZP hruaitute chuan Mizoram chhung zirna kaihhnawih thil hrang hrang leh zirtirtu siksawi mek chungchang sawipuiin Minister hi an hmu a ni.

He hunah hian, MZP General Headquarters hruaitute chuan, tuna zirlai mil a zirtirtu siksawi mek an ni chu tha an ti hle a, zirlai tlem deuh na hmun a zirtirtu indaih vanga lakchhuah leh indaih lohna a dah belh chu ṭha an tih thu sawiin, zirtirtu sawn chhuah leh siksawi mek te pawh a hmun nuam leh ṭha Aizawl District-a awm reng beisei lo turin MZP chuan a ngen a ni.

MZP Headquarters, Kolasib, Hnahthial, Champhai leh Mamit te'n a an buaina hrang hrang an thlen te pawh bawhzuiin Minister hi sawipui a ni a, zirtirtu indaih lohna zirna in College, Higher, High School, Middle leh Primary a zirtirtu indaih lohna leh hnawh khah la ngaihna pawh file a kal mek thu leh zirlai mil a indaihna ah chuan dah belh kher an tum loh thu Minister hian MZP hruaitute alo hrilh bawk.

Minister chuan, tuna zirlaibu sem mek pawh theihtawp an chhuah thu sawiin, Mizoram sawrkar in nuai 100 chuang an chawi tawh thu alo sawi a, MZP hruaitute chuan, zirlaite'n a hun taka lehkhabu an dawn theih nan chak taka hma la zel turin an ngen a, kum danga exam zawh hnu a lehkhabu dawn chauh ang kha kumin chuan thleng tawhlo tura hma la turin an ngen bawk.

MZP General Headquarters, Aizawl hruaitute hi MZP Headquarters, Kolasib hruaitute'n an ṭawiawm a ni.