Aizawl | April 21, 2025: Vawiin 21st April, 2025 hian BJP Mizoram State Office, Mipui Rûn, Upper Republic ah Karthar Inhlanna leh Political Session hun neih niin, BJP Mizoram State Kisan Morcha GS Lalruatbika'n inkhawm a kaihruaia, K Changliana, State Vice President-in Hunserh hmangin, Dr. K Beichhua, MLA & State Core Group Member-in thusawina hun a nei bawk.
Dr. K Beichhua, MLA chuan thusawiin, "Union Home Minister Pu Amit Shah-in Union Minister of State for Home changtu Pu Nityanand Rai chu kan khawtual ah a rawn tir a, Siahaa hruaitu hrang hrang te'n kan mamawh leh kan duh te kan lo thlen a ni, Union Minister of State Pu Nityanand Rai chuan min tihsak ngei a rinawm a ni, tunah chuan Union Home Minister Pu Amit Shah-a'n min koh hun nghakin kan awm mek bawk a ni," a ti.
Dr. K Beichhua chuan, "Mizoramah BJP MLA ka'n ni kha, Mizoram Politics-ah chuan Boruak kan tlachham dawn dawnin a lang mai a, nimahsela Kum 1 leh a chanve vel kan han kal takah chuan Mizoram Politics ah BJP MLA nih a nuamin, Boruak khamkhawp kan hmu thei tawh a ni. Mizoram ṭhalai lehkhathiam te, Mipui mimir te hian kan ṭhenawm State ah te Pu Modi-a kaihhruaina hnuaia Development thleng hi an hmu ve reng a, chung thil thleng te chu an hmuhin Pu Modi-a ke pen ruala pen ve an duh tawh tih a chiang hle a, BJP Sorkarnaa Development thleng ang hi Mizoram ah ngei a thlen ve hlan an nghakhlel hle a ni," a ti.
Beichhua chuan sawi chhunzawmin, "vawiin ah hian Congress Party dinhmun kan hria a, Mizoram mipuite'n Sorkarna an pek leh mai hi a rinawm loh va, MNF Party te lah an Sorkar zawh chiah avangin, ṭhalaite hian Sorkarna an pek duh a la rinawm bawk silo, ZPM Sawrkar chu tunah kan hmu leh mek a, Mizoram ṭhalaite leh Kuthnathawktute'n beiseina sang tak nena an lo thlir chu, an beisei ang Result ṭha an hmu thei ta si lova, hei vang hian Sorkarna an chan chhunzawm tir hi a rinawm loh bawk a ni. Chuvangin Mizoram Politics kan thlirin BJP Mizoram-te hian mawhphurhna sang tak kan nei mek a, Mizoram ṭhalai lehkhathiam tak tak beidawng leh kuthnathawktu harsatna tawk mekte hian Politics-a khaw êng an hmuh ve theih nan keini BJP hian theihtawp chhuaha hma kan lak a, thleibik leh thliar bik nei lova mipui enkawl ṭhin BJP Pu Modi-a kaihhruai hi, kum 2028 ah chuan Mizoram mipuite hian thuneihna min pek ngei a rinawm a, chumi hna ṭha thawk tur chuan BJP Member te pawh inbuatsaih sauh sauh ang u," a ti bawk.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: