Aizawl | April 29, 2025: BJP Mizoram chuan Lai Autonomous District Council (LADC) a BJP Sorkar a pian dawn avangin, Assam Chief Minister Himanta Biswas Sharma hmu in LADC hmasawnna tur leh LADC tana pawimawh te an thlenin, LADC tan chanchin lawmawm an dawng.
BJP National Minority Morcha Secretary leh MADC MDC Delson Notlia kaihhruainain, LADC CEM designate BJP MDC N Zangura leh BJP MDC BN Thangpuia te chu Northeast BJP Coordinator sawmna angin, Guwahati a BJP hruaitu pawimawh tak tak te chu hmuin- Dt 26 April, (Saturday) 2025 khan Assam Chief Minister, NEDA Convener ni bawk Himanta Biswas Sharma chuan office-ah lengah sawmin, inkawmna hun ṭha tak an nei.
LADC BJP MDC te hian LADC tan Guwahati hmun ah, Lai Students Hostels sakna tur ram dilin- Assam Chief Minister chuan Mizorama ADC pathuma BJP kaihhruai sawrkarna vek siam ani thei chu lawm awm atiin, a lawm zia lantir nan a rang lama MADC, CADC leh LADC tan ram pek an nih tur thu hrilhin, tunah pawh a hmun an en mek thu alo hrilh a, LADC BJP hruaitu te hi an lawm hle a ni.
BJP LADC hruaitu N Zangura leh BN Thangpuia te chuan Sixth Schedule Amendment pawh NEDA Convener a nih ang leh NE States a pa ber a nih angin- arang lama pass a nih theihna tura ṭanpuina an dil bawk. Himanta chuan “Assam Stateah chuan kan hmang tawh a, nimahsela, Tripura bikah thil tihfel loh a awm avanga pass lawk thei lo a nih thu leh tunah chuan consultation te an zo tawh a, kumin chhung ngei a pass a nih tur thu in a lo chhang a, LADC hruaituten an mamawh an dil te chu theihtawpa a lo puih tur thu leh Centralah pawh ADC tan a lo sawipui tura a awm thu a hrilh a, harsatna an neih chuan inthlahrung lo a, an mamawhte hrilh thin turin a chah bawk a ni.
LADC hruaitute hi Guwahati a an awm chhung zawngin BJP National Minority Morcha Secretary, Assam State Minority Prabhari ni bawk Delson Notlia chuan kawng engkimah LADC palai te hi lo dawngsawngin a tul apiangah lo puiin, hma a lakpui a, BJP Mizoram chuan Assam Chief Ministerin LADC MDC tena an mamawh thlen te tha taka a lo dawngsawng leh an thil dilte tihhlawhtlin sak a tum chu lawmawm an tiin, "Lairam tan hmasawnna hmel thar kan hmu tur hi a lawmawm kan ti hle a ni," an ti.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: