Aizawl | April 19, 2025: ZPM Thalai chuan vawiin khan thuchhuah siamin, "Kuthnathawk tute hmangaihna kawngah Opposition Party ten harhtharna an chang hi lawm awm kan ti," an ti.
"Zoram Kuthnathawktu te hi, Sawrkar hmasa ten an lo ti beidawng tawh thin a, Chemtum leh iptepui nen kawng hial an lo zawh tawh a nih kha, Chief Minister Lalduhoma leh Agriculture Minister PC Vanlalruata Kaihhruai ZPM Party-te erawh chu kan Policy Kuthnathawktute tan kan dinna ngaiah kan la ding reng dawn a ni tih hi ZPM Thalai chuan Kuthnathawtute kan chah duh a, Thlamuang taka awm turin kan han chah duh bawk a ni." an ti bawk.
ZPM Thalai thuchhuah chuan, "Tun kum a India ram state hrang hrang a Sawhthing Rate enin kumin hi Mizoramah Sawrkar hmasa te hunlai a thil thleng nise Sawhthing dah kumhlun kum tur ni ngeiin a lang a, ZPM Sawrkar chuan kut hnathawktute harsatna hria in Rs.50/kg in Sawhthing hi a lei mek zela, hemi kawngah hian Kuthnathawktute duhthusam kan tlin lohna lai tam tak awmin, a chinfel dan kawng theihtawp chhuaha dap zel tu Agriculture Minister Pu PC Vanlalruata hmalakna hi fakawm kan ti a, 21st April 2025(Monday) aṭanga Sawrkarin Sawhthing a lei leh turah hian kuthnathawktute hasatna engemaw chen a phuhruk turah kan ngai a ni," tiin a tarlang a.
"Tunhnaiah MPCC Treasurer Dr. Lalmalsawma Nghaka chuan Agriculture Marketing Board in Sawhthing a lei sa FCI Godown a dahkhawm mek Tender zawh loh la bang awm te chu Kuthnathawktute Sawhthing la hralh loh dah khawm emaw tiin a zuk tlawh a, NLUP heti taka an Mualpho pui chung a "Congress in an Policy a ti hlawhtling thin" a ti ta mai hi MPCC Treasurer Dr Lalmalsawma Nghaka hi a tawng vai ta mai em ni? tih hi ZPM Thalai zawhna a ni a, Congress Party a an Senior te pawn lo hrilh hria se tih hi MPCC te kan thurawn a ni bawk a ni." an ti bawk.
Kan ram politics-a ‘Sem Policy’ rawn tichhuaktu chu Congress Party hi ni in, Kum 1989-1998 thleng, term 2 chhung NLUP hnuaiah Rs 30,000 sem an rawn zuar a. Kum 10 chhungin chhungkaw 54932 hnenah RD Block 12-ah chauh an sem hman a, RD Block 9 heng – Bunghmun, Hnahthial, Darlawn, Lawngtlai, Chawngte, Sangau, Aibawk, Tuipang leh Phullen-ah te hian cheng khat mah an sem hman lo. Kum 10 chhungin Mizorama chhungkaw zatve pawhin an dawng hman lo a ni tih kan han hrilh hre leh duh a ni.
MPCC in 2008 a Sawrkarna an chan leh hnu khan Kum 2012-a Synod Social Front-in NLUP zir chianna report an thehluhah chuan, beneficiary 29.4% te chu anmahni duhthlan Trade ni lo pek an ni a, beneficiary 88.6% te chu Congress Party an ni a, Rs 1,00,000 a kima dawng chu chhungkaw 7 chauh an awm a ni.
Ni 21.3.2017 Budget Session-ah khatih lai a Chief Minister Pu Lal Thanhawla chuan, “NLUP hi a hlawhtling lo a nih pawhin, keini chu kan hlawhtling, kan hlim em em a ni,” a ti thung a nih kha.
Tin, May 25, 2017 Session-ah CAG Report pharh a ni a. CAG Report-ah chuan hetiang hian a in ziak a ni;
a) NLUP thiltum 4 – Tlangram lo neih tihtawp, khamkhawp buh thar chhuah, Mizoram 80% ramngawa siam leh ram leilung hman dan tur duan fel tihte chu pakhat mah a hlawhtling lo,
b) Beneficiary 7942 an kawm zingah NLUP dawng ve thei lo tura ngaih chhungkaw 1400 in an dawng ve
c) Beneficiary 9% chauhin an hlawhtlinpui
d) YMA-in Baseline Survey hmanga khaw 813 atanga Beneficiary tur an thlante chu NLUP Apex Board-in a hnawl tihte a chuang a ni.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: