JK Tyre Indian Racing Festival 2025 ropui takin hmang; mipuiin an hlut hle!

Aizawl | April 19, 2025: Mizorama a vawikhatna atan JK Tyre - Indian Racing Festival 2025 chu Tuirial Airfield-ah April 16 khan ropui takin an hmang. Mizo Stunt Performer Awmawmi leh Francis leh Superbiker ten event khuhhawnna neiin, Indian Stunt, Drift Car Driver leh Stunt Rider thiam bik ten Indian F4 car, Indian Racing League Car, Indian Drift Car, Baleno Stunt Car, GoKart, Super Bike Stunt te hmangin mipui mit titlai thei tak an rawn entir a ni.

Indian Racing Festival - A Carnical of Control himipui kalkhawm ten an hlut hle a. Mi sang dawn punkhawmna he hunah hian Tuirial YMA ten Cheraw mawi taka kanin mipui mit an ti tlai a, India Drift King an tih Sanam Sekhon leh Ashwin Singh Takiar ten Cheraw kan lai drift hnanin khawvelin ala hmuh ngai loh mipui an hmuhtir.

JK Tyre Indian Racing Festival 2025-ah hian Indian F4 Car - Sohil Shah, GOKarts - Yatharth Gaur leh Aarav Sureka, Indian Racing League (IRL) Car - Sandeep Kumar, Stunt Bikers - Prashant, Kruba Chander leh Prabhakaran, Drift Cars - Ashwin Singh Takiar leh Sanam Sekhon, Stunt Car - Hari Singh, Sunny Kumar leh Bobby Bhogal te an inlan.

JK Tyre Motorsports Head of Operations Hari Singh chuan, Mizoram an lo kal thei chu lawmawm a tih thu sawiin, Khaw chhe karah pawh mi tam takin he event an ngaihhlut sak chu lawmawm a ti hle a.

JK Tyre Motorsports Head of Operations chuan, Mizo ten India ram huapin Driving Sense tha chungchuang tak an nei chu fakawm a tih thu a sawi a. Mizo Driver leh Rider kum naupang tak tak te promote an nih theih nan an inhawn reng thu a sawi bawk.

Indian Racing Festival - A Carnical of Control hlawhtlin nana tha leh zung tam tak sengtu organiser te an inbuatsaih tha hle a. Chief Convener Lalfakzuala Hauzel chuan, JK Tyre Indian Racing Festival hi Mizoramah thlen ngei an duh si a, chawpchilh taka thawhpui turte zawn ngai, mahse, hlawtling taka he event an nei thei hi lawmawm a tih thu a sawi a. Main Sponsor GIG Motors leh NEXA Aizawl chungah lawmthu sawiin, JK Tyre Indian Racing Festival hlawhtlin theih nana anmahni puitu Event Partner-te (LUSHAI HOG, LBS KIA, PETRONAS, BR Studio), Tuirial YMA, Mizo Bikers, Racing Team Community hrang hrang, MiMSA, Mizoram Police, Aizawl Traffic Police leh Tourism Department te chungah lawmthu a sawi tel bawk.