Aizawl | April 29, 2025: Mizoram Board of School Education (MBSE) chuan vawiin chhun dar 12 khan High School Leaving Certificate (HSLC) Examination 2025 result a tichhuak a, zirlai exam aṭangin 76.68 % an pass.
High School Leaving Certificate (HSLC) 2025 Topper hi PC Lalthakimi D/o Darthuama, KD High School, Aizawl a ni a, mark 500-ah 479 hmuin topper a ni a.
Nikumah Pass Percentage hi 73.37% a ni a, kuminah hian 76.68% a ni thung.
Kuminah hian compartment 64 an awm a, heng naupangte hian admission an tlai lohna turin compartment exam hi buatsaih thuai an tum a, HSLC result complaint hun ni 7 a ni dawn a ni.
Kuminah hian nikum aiin pass percentage a sang zawk a. Nikumah 73.37% a ni a, kuminah 76.68% a ni thung. Zawhnate hi LOTS atangin 60% siam a ni a, abak 40% hi Application leh HOTS atanga siam a ni bawk. Zirna in hma a sawnzel theihnan HOTS question hi telh tam deuh deuh tura ruahman a ni.
Zirlai exam hmachhawn zawng zawng hi 18,946 niin, mipa 8,875 leh hmeichhia 10,071 an ni a. Pass hi 14,527 niin, mipa 6,910 leh hmeichhia 7,617 an ni.
Distinction-ah 1,343 an pass a, mipa 611 niin, hmeichhia 732 an ni a. 1 Division-ah 3,763 an pass a, mipa 1,688 leh hmeichhia 2,075 an ni.
2nd Division-ah 5,785 an pass a, mipa 2,548 leh hmeichhia 3,237 an ni.
3rd Division-ah 3,636 an pass a, mipa 2063 leh hmeichhia 1,573 an ni.
Regular aṭangin 18,603 an exam a, Private in 343 an exam a. Regular aṭangin 14,367 an pass a, mipa 6,819 leh hmeichhia 7,548 an ni a, private aṭangin 160 (mipa 81 leh hmeichhia 69) an pass.
Sikul pass vek hi 107 an awm a, pass miah lo sikul an awm bawk.
Result hi MBSE Office Chaltlangah leh heng MBSE website mbse.edu.in emaw mbseonline.com emaw ah te hian en theihin a awm a ni.
Online-a Result en theihna leh en dan tur:
HSLC Result hi MBSE website - www.mbse.edu.in emaw mbseonline.com -ah en theihin a awm ang.
WhatsApp leh Call hmangin +919863883041 leh +919863722521 ah te zawh theih a ni bawk.
mbseonline.com atanga result en turin mbseonline.com ah i lut anga, chumi hnuah My Result-ah i hmet leh.
Hetianga kal kual kher lo hian, direct link https://www.mbseonline.com/my-result ah hian hmeh mai theih a ni bawk.
Hetah hian, a hnuaia kan dah ang hian Examination-ah hian HSLC leh HSSLC thlan tur a awm ang a, pawl 10 result en tur tan HSSLC i thlang ang a. Chuan, Board roll no, leh Board registration no. i chhu lut leh ang.
MBSE website www.mbse.edu.in aṭanga lutte tan a hnuaia thlalak kan dah ang hian result tih ah hmeh tur a ni.
Result en tur an tam thin vangin MBSE website i lut tlang lawk thei lo a nih chuan India Results aṭangin a en theih thin a, a link chu http://mizoram.indiaresults.com/mbse/default.aspx a ni.
A hnuaia kan dah hi India Results aṭanga result enna lan dan a ni.
Result en turte lo inrin lawk theih nan - Pawl 2 ah hian hming, registration no. leh roll no. te chu a pawimawh zual a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
(Feedback at: admin@exploremizoram.com )
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: