Aizawl | March 21, 2025: Mizo Zirlai Pawl (MZP), Hmar Students’ Association (HSA) leh Siamsinpawlpi (SSPP) ten Manipur Zofate inkara buaina thleng pawi an ti a,Mizoram a kan kai loh nan leh remna awm theih nan hmalak ho an rel.
.jpeg)
Vawiin ni 21 March, 2025 (Zirtawpni) chawhma dar 11 khan, MZP Pisapui Aizawl-ah; Mizo Zirlai Pawl (MZP) hruaitute kaihhruaina hnuaiah Hmar Students’ Association (HSA) leh Siamsinpawlpi (SSPP) hruaituten chuan Joint Meeting an nei a. Manipura Hmar leh Zomi inkar buaina kal zelah, Mizoramah buaina a kan kai zel loh nan leh remna a awm theih nan hmalak ho zel dan tur sawiho a ni. Meeting hi H Lalthianghlima MZP President-in a kaihruai.
Joint meeting chuan, heng a hnuaia tarlan ang hian thuchhuah intawm an siam a, an thuchhuah-ah hian MZP General Headquarters President H Lalthianghlima, Hmar Students’ Association Jt. Headquarters, Aizawl President Lalramliana Ralsun, Siamsinpawlpi Headquarters Mizoram President Laljemson ten hming an ziak a ni.
1. Manipura Zofate inkarah buaina a thleng hi pawi kan ti a, inremna a awm theih nan theihtawpa hmalak ho zel nise kan ti.
2. Zofate inkarah chi leh chi intihthiam lohna awm hi tha kan ti lova, Zofate inkarah inpumkhatna a awm theih nan hmalakho zel tha kan ti.
3. Zofa unau karah inrem lohna thleng thin hi pawi kan ti hle a. Tun hnuah thleng nawn tawh lo se kan ti a. Hetiang thil hi theih tawpa do tlan zel nise kan ti.
4. Manipur Zofate inkara buaina avanga, Hmar Students’ Association (HSA) ten, Zomi’te tan pawm harsa tak thuchhuah a siam avanga rilru na leh thlabar an awm avangin meeting-ah hian HSA hruaitute chuan mipuite hnenah ngaihdam an dil a. Hemi avanga Siamsinpawlpi (SSPP)-in Police station pathum (3) a FIR an lo thehluh tawh chu hnuhdawh (withdraw) an remti bawk.
.................
JOINT PRESS STATEMENT
Vawiin ni 21 March, 2025 (Zirtawpni) chawhma dar 11 khan, MZP Pisapui Aizawl-ah; MZP hruaitute kaihhruaina hnuaiah Hmar Students’ Association (HSA) leh Siamsinpawlpi (SSPP) hruaituten chuan Joint Meeting an nei a. Manipura Hmar leh Zomi inkar buaina kal zelah, Mizoramah buaina a kan kai zel loh nan leh remna a awm theih nan hmalak ho zel dan tur sawiho a ni. Meeting hi Pu H. Lalthianghlima MZP President-in a kaihruai.
Joint meeting chuan, heng a hnuaia tarlan ang hian thuchhuah intawn a siam:-
1. Manipura Zofate inkarah buaina a thleng hi pawi kan ti a, inremna a awm theih nan theihtawpa hmalak ho zel nise kan ti.
2. Zofate inkarah chi leh chi intihthiam lohna awm hi tha kan ti lova, Zofate inkarah inpumkhatna a awm theih nan hmalakho zel tha kan ti.
3. Zofa unau karah inrem lohna thleng thin hi pawi kan ti hle a. Tun hnuah thleng nawn tawh lo se kan ti a. Hetiang thil hi theih tawpa do tlan zel nise kan ti.
4. Manipur Zofate inkara buaina avanga, Hmar Students’ Association (HSA) ten, Zomi’te tan pawm harsa tak thuchhuah a siam avanga rilru na leh thlabar an awm avangin meeting-ah hian HSA hruaitute chuan mipuite hnenah ngaihdam an dil a. Hemi avanga Siamsinpawlpi (SSPP)-in Police station pathum (3) a FIR an lo thehluh tawh chu hnuhdawh (withdraw) an remti bawk.
Sd/-
(H. LALTHIANGHLIMA)
President
MZP General Headquarters
Sd/-
(LALRAMLIANA RALSUN)
President
Hmar Students’ Association
Jt. Headquarters, Aizawl
Sd/-
(LALJEMSON)
President
Siamsinpawlpi
Headquarters, Mizoram
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: