Aizawl | March 24, 2025: Vawiin March 24, 2025 Thawhtanni hian Congress Bhavan-ah Mizoram Congress chuan Political Session kan hmang a, he hunah hian Pu Lalnunmawia Chuango chuan thu a sawi a, MPCC Constitution siamthat tlangzarhna a nei nghal a ni.
Pu Lalnunmawia Chuaungo chuan, "Kan party hian ngaihpawimawh tak tak kan nei a, a pawimawh zual zing ami chu NLUP hi a ni. NLUP hi kan kalkualnaah chuan mite bengkhawn ber ti ila kan sawi sual awm love. Thingtlang lama kan unaute hian sawrkarin ei leh bar zawn kawngah enge rahbi nghet kan rah theih nan ruahmanna a neih tih hi an ngaihven a ni. Keini Congress pawh hian heng kuthnathawk tu te leh mahni kut themthiamna hmanga eizawng te hi kam ngaipawimawh leh dah pawimawh hmasak an ni a, chumi vang chuan NLUP changtlung zawk kan duang mek a ni.
Kan ngaipawimawh dang leh chu Health Care hi a ni. Tuna kan sawrkar pawh hian Universal Health Care an rawn duang chhuak a, tunhma ami ai chuan tha zawk tur a ngaih a ni. Amaherawh chu private Hospital ten an zawm duh rih lova, kan ngaih a tha chiah lo a ni. Keini pawh in Health Care tha zawk kan duang mek a, tuna sawrkarin Health Care thar a kalpui dan te kan lo zir zel anga, kan experience te hmang tangkaiin heath care tha zawk mipui hnenah chhawpchhuah kan tum a ni.
Kan ngaihpawimawh leh chu zirna, Education lam hi a ni. Zirna siamtha tur chuan Administration leh Academic Curricullum te siamthat a tul hmasa a ni. Samagra Guideline ah chuan PT ratio an tih mai, zirtirtu pakhat in zirlai a enkawl theih zatah zirtirtu pakhatin zirlai 30 a enkawl tur a ni a, Mizoramah cbuan Zirtirtu pakhat i zirlai 12 an enkawl a a ni. School thenkhatah chuan zirlai leh zirtirtu inzatna te pawh a awm. Chuvangin tumna tak tak neih chuan thil harsa a ni lo a ni.
Administrative reform pawh kan ngaipawimawh zing ami a ni a, file kal muang lutuk te hi kan tihtawp a ngai a, hei pawh hi thil harsa a ni lova, tumna tak tak, political will neih chuan thil harsa a ni lo.
Tuna kan sawrkar hi mipuiten beiseina sang tak nen an thlang a, an thlir mek a ni. Kum khat chuang an lo sawrkar ta a, mipui te beisei na pha lo hle a ni. A bikin sawhthing chungchangah hian mipuite an beidawng hle.
ZPM sawisel ngawr ngawr hi kan tum a ni lova, mipuite thlavang hauh erawh a ngai a, sawhthing chungchangah pawh hian kan ngawi dawn lo a ni. Chutih lai chuan ram leh hnam tana thil tha tih pawh an nei ang, chungah te chuan kan thlawp tlat dawn a ni." a ti.
He Political Session hi Pu C. Dothansanga, General Secretary chuan a kaihruai a ni.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: