Minister Prof. Lalnilawma'n Tamdil-ah sangha chi a chhuah

Saitual | March 28, 2025: Vawiin chawhma dar 11:00 khan Minister of State, Ṭawi bialtu MLA ni bawk Prof. Lalnilawma chuan Ṭamdil Fish Seed Farm aṭanga thar chhuah Sangha (Indian Major Carp) chi 10,000 vel chu Ṭamdil, Saitualah a chhuah.

Heng sangha te hi Saitual District Fisheries Development Officer Zomuansangi leh a Staff te'n nikum ni 15th July, 2024 khan IMC Induced Breeding neiin, Sangha note hi 30000-40000 vel thar chhuah a ni a, Nursery ah dah len phawt a ni.

Ṭamdila Sangha dah tur te hi khawi len hmasak a ngaih avangin khawi len phawt niin, chhuah rual an nih tawh hnuah Ṭamdil Dilpui-ah hian chhuah an ni ta a ni.

He hunah hian Minister of State Prof. Lalnilawma bakah Champhai South bialtu MLA Lt. Col. Clement Lalhmingthanga, Addl DC Lallawmawma, DFDO Zomuansangi leh line department hotute an tel a ni.