Diltlang S -ah chhungkaw 17 luah in a kang ral

Aizawl | March 27, 2024: Nizan zanlai dar 12:30 khan Diltlang 'S' khuaah kangmei chhuakin chhungkaw 17 luah lai chenna In a kang ral vek.

He kangmei chhuak hi vawiin khan Deputy Commissioner, Lawngtlai thupek angin sawrkar hotuten a hmunah an enfiah.

Kangmei chhuakah hian chenna In pakua (9) chhungkaw sawm pasarih (17) luah lai chu a kang ral vek a, nunna chân erawh an awm lo. Kangmei chhuahna khua Diltlang 'S' hi vawiin khan Collin Hlychho, BDO, Lawngtlai leh Zonal Officer on Dissaster Management - ni bawk chuan kalchilhin a enfiah a. Kangmei tuartute hnenah hian DC Office chuan CYLA kaltlangin Silpaulin -10 hlan nghalin, BDO Office, Bungtlang ' S' in Silpaulin- 6 an hlan bawk.

Deputy Commissioner, Lawngtlai chuan kangmei tuartute hnenah hian tanpuina pek an nih tur thu an tarlang nghal a ni.

Tukin zing dar 12:35 Am vel khan Ditlang khua ah chenna In pasarih (7) chu bungrua engmah chuh hman lovin a kangral vek.

Thudawnna in a tarlan danin kangmei hi Lalchhuana In atanga chhuak nia hriat a ni a. In hnuaia chhang chhumna atanga intan nia hriat a ni. Heng chenna In pakua bakah hian chenna In rellai RCC in hnuaia bungrua leh thingzai pawh a kang vek ani a, hemi avang hian In pakhat (dawr a hman lai) chu thiah a ni a. Kangmei chhuak In pasarih-ah hian chhungkua pakua In an luah a ni a, In pali te hi dawr a luah lai a ni a. Heng dar pali te hi Chawngte 'P' road peng chhak BCM Biak In, Diltlang zawn kawng kual lai taka awm a ni a, chenna In bakah hian Bike pakhat leh vawk pakhat pawh a kanghlum bawk ani.

Kangmei a chhuak tih Ditlang khawtlangin an hriat veleh theihtawp chhuahin mi tlawmngai ten an thelh mit thei ta a ni. Heng kangmei chhuak avang hian nunna chan leh hliam an awm hriat a ni lo. Central YLA chuan kangmei tuartu chhungkua te an tawrhpui thu leh a tul anga hmalak zel an tum thu an sawi a ni.