Aizawl | March 26, 2025: Zuangtuia Mizoram Badminton Centre sak chu nimin khan hawn a ni a, he hunah hian Dy CM hlui Pu Tawnluia chuan sawm a nih angin thu a sawi a. Mizoram Badminton Centre peih fel a ni ta chu lawmawm a tih thu a sawi.
Pu Tawnluia chuan, "Smart City Mission hi India ramah 2015 aṭang khan ṭan a ni a, Mizoramah pawh 2017 aṭang khan ṭan a ni a. Hna ṭha takin a thawk mek zel niin ka hria a, a lawmawm hle a. Project reng reng mipuite mamawh ngaihtuahna aṭangin a inṭan a, rilru leh lehkhapuan aṭangin a tak ram a inṭan ṭhin," a ti.
Deputy CM hlui chuan, "Ṭhalai mai bakah naupang leh kum upa lam.pawhin an tuipui em em Badminton khelhna tur Badminton Centre hawn a ti ta hi lawmawm ka ti hle a. He Project hi khatih laia Chief Minister Pu Zoramthanga leh Sports Minister Pu Robert Romawia Royte te nen sawihoin ruahmanna siam a ni a. Vawiina a tak ram thleng a, hawn a ni ta hi ka lawm hle a ni," a ti bawk.
Pu Tawnluia chuan, "Rilru leh taksa hrisel kan neih theih nan infiamna kan uar deuh deuh hi a ṭul hle a ni. He Centre a hlawhtlin theihna tura thawktute zawng zawng chungah lawmthu ka sawi tak meuh a ni," a ti bawk.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: