kawnpui | January 23, 2025: Vawiin khan PWD minister Pu Vanlalhlana chuan mizoram ei leh bar lakluhna kawngpui ber National Highway NH-6 Kawnpui atanga Khamrang kawng thawm that mek a endik.
Pu vanlalhlana chuan, “ Mizoram Ei leh bar lakluhna kawngpui Vairengte atanga sairang inkar National Highway NH-6 hi NHIDCL kuta awm niin engemaw hna laklawhna avangin Mizoram State sawrkar chuan mipui mamawhna hriain a enkawl lailawk ta a ni. Mizoram Sorkarin a enkawl hnu hian a thawh khat nan he kawngpui thawmthat nan nikum lam khan Nuai 75 sen a lo ni tawha, nikum vek 25th December,2024 thla a NHIDCL kuta awm leh tura ruahman a nih laiin, NHIDCL te hian an lak tak si loh avangin Mizoram Sorkar chuan State pawisa a remchang ang ang pawt khawmin, vawiin ni thleng hian mipuite mamawhna hriain a enkawl chhun zawm leh rih ta a ni,” a ti.
PWD Minister chuan, “National Highway NH -6 thawmthat hna hi kumin 20th January, 2025 atang khan a tum hnih nan thawh tan leh a ni a, tun tum ah hian Cheng Nuai 125 ruahman niin february ni 15 a siam zawh tum a ni a, sum ruahman sa hian a daih hmel loh avangin Sorkarah dilbelh leh mek a ni a, ngawrh taka siam mek a ni bawk,” a ti.
Minister chuan, “Mipuite harsatna kan hria a, chumi chhawk zangkhai turin Mizoram PWD kawng enkawl ni miah lo ah mawhphurhna kan la ani a, chuvangin mipui leh Lirthei neitute pawhin Sorkar thahnemngaihna min hriathiam pui thin se kan duh hle a ni. Nitina kan mamawh kan phurhluhna kawng hi mipuiten kan dim thiam a tul takzet a, a tichhe tu nilo a, dimdawi taka enkawltu kan nih theuh ka beisei a ni,” a ti bawk.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: