NITININ I HUN ṬHA BER PATHIAN PE RAWH

_I Tawpna Tur Hmuchhuak Rawh_

- Rick Warren

- January 22, 2025

“Ka kawngka bulah nghak a, ka kawt hung kawngkaa nghak reng a ka thu ngaithlatu chu a eng a thawl e.” Thufingte 8:34

Nitinin amah nena in inpawl chuan Pathian chuan i nun malsawm che a tiam a ni. 

Chumi awmzia chu Pathian tan nitin hun insiam la - chu chu fianrial an tih chu a ni. Minute 10 emaw 15 emaw Pathian chauh i ngaihtuahna hun kha a ni. 

Hmun fianrial thlang la, thu la, Pathian hnenah hei hi zawt rawh, “Lalpa, vawiinah hian ka hnenah sawi duh i nei em?” I rilru hahna te i ritphurhte chu Pathian hnenah hrilh ang che. Hun reilote tal Bible chhiar la, a Thu hmangin thu sawi tir ang che. Ngawi rengin awm la, a hruaina aw ngaichang la, nilenga i hun hman tur atan inbuatsaih rawh.

Mi tam tak tan zingkar hi hun tha ber a ni a. I thawh hlima i biak hmasak ber chu Pathian ni rawh se. Zingkar chu a remchang lo anih pawhin, hun dang remchang zawng ang che. Zingah hian i thei ngang lo a nih pawhin ti lui duh suh. I tana hun tha ber tur thlang rawh - zan emaw, chhun emaw, fianrialna hun remchang dap mai rawh. Mumal taka hman a ngai thung. Nitinin Pathian nen inbe thin ang che.

  

Thufingte 8:34 chuan, “Ka kawngka bulah nghak a, ka kawt hung kawngkaa nghak reng a ka thu ngaithlatu chu a eng a thawl e.” 

Ringtute zingah hian - Pathian hausakna lo tem tawhte chuan - nitina amah nena inpawlna neih chu khello vin an ti thin a ni. Hun rei tak angai kher lo. A pawimawh ber chu Pathian nena inpawl kha a ni.

Sam 31:19 chuan hei hi min hriatthar tir a ni, “Aw, i thatna, nangmah tihtute tana i khawl khawm chu, a va ropui em! Mihring fate mithmuha nangmaha rinna nghatte tana i tihsak chu.”

Pathian chu a hmasa ber atan - i hun i pek chuan - i nunah kawng tamtakin malsawmnain a vur ang che.

Ngaihtuah zui atan.

* Nitinin Pathian nena fianrial hun i hman theih nan eng thil nge a taka i tih ngai awm?

* Pathian hnena hun i hlan hmasak khan nilenga i hun hman turah chuan engtiangin nge nghawng a neih? Vawi khat hun hman rei zawng ai mah chuan, nitina tih ziahna hian engnge hlawkna a neih?  

* Malsawmna a bik taka dawn i nei em emaw nitina Pathian nena inpawl chu i nghakhlel thin em?

*Pathianin chatuan atana a chhungte ni turin a duh che*

Kan vai hian kan sual vek a – mahse Pathian chuan a hmangaihna leh ngaihdamna a lantir a. Bible chuan vanram chu Pathian rinna Fapa, Isua Krista kaltlanga in neih chauhin in lut thei ang a ti a. Vanram chu nangmaha i hlawhchhuah mai theih a ni lo. 

I sualna te i puang duh aniha, i nunah Isua i thlang duh anih chuan, heti hian tawngtai ang che.

“Lalpa, thu min tiam angin, Isua ka ring a nih chuan, ka tihsual zawng zawngte min ngaidam dawn a, ka nun awmzia te ka zir ang a, engtikniah emaw chuan i chatuan in nuamah min lo pawm ve ngei dawn a  ni.

“Ka sualnate ka puang a, ka Lalpa leh Chhandamtu atan Isua hi ka pawm e. Isu, i hnung zuia, i rawngbawl ka duh e. Ka nun tlawm tak hi ka hlan che a, i ang chhunga min pawma min chhandam ve turin ka dil a che. Amen”

Hetianga i tawngtai a nih chuan, Rick@PastorRick.com ah hian emai min lo thawn la. Isua nena zinkawng i zawhtanna atana pawimawh te a thlawnin ka lo thawn ang che.

*[Lettu: Sangpuia]*