Aizawl | Jan 16, 2024: Tukin zing khan Mizoram Rural Bank chuan Sawrkar laipui hmalakna pawimawh tak mai pakhat - faina chungchang inzirtirna a kalpui mekah Swachhata Pakhwada (Faina thla chanve) January ni 16 atanga ni 31 thleng awh tur hmang tan in Awareness Rally in bul an tan.
Awareness Rally a tel tur hian MRB a thawktu khawpui chhung Branch tin atangin aiawh an kalkhawm a. General Manager Saibal Kanti Roy chuan kalkhawmte chu fuihin faina pawimawhna te, vantlang hmunte tihfai leh hnathawhna hmunte vawn fai kawnga tan la thar lehzual turin a chah a. Faina chungchang inzirtirna bakah tunlai a inbumna tam ta lutuk laka invenna tur thuziak vantlang mipuite hnenah an sem a ni.
MRB hian Save the Riparians te nena thawkhovin Swachhata Hi Seva 4.0 Campaign ah khan World Bank Road a bawlhhlawh paihte an lo tifai tawh bawk a. Naktuk (Zirtawpni) hian STR Phase III (Elimination of GVPs at World Bank Road) chu tan leh tum niin Chite lei atanga Trinity Hospital thlengin World Bank kawngdunga bawlhhlawhte tihfai a ni ang a, Pi Sheryl L. Vanchhong, MRB Chairman in a vailiam ang.
Swachhata Pakhwada hi Mizoram chhunga khaw hrang hranga MRB Branch thlanbikte hian an hmang chhunzawm dawn a, vantlang hmun tihfaite, faina inzirna mipuite hnena pek te leh thutiam neihpuite a ni ang a, January ni 31 thleng a awh ang.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: