Aizawl | January 25, 2025: Legal Metrology, Siaha-te chuan nimin Siaha khaw chhunga dawrkai-te buhfai zawrh endikna an nei a, buhfai bag pawn lama a rih zawng inziaklo leh buk diklo dawrkai 16 aṭangin Bag 153 an man a ni.
FCS&CA Department hnuaia Legal Metrology-te hian nikum lamah hetiang thil diklo hi hmu chhuak tawhin dawrkaite chu December thla ral hma ngeia inchingfel tur leh kumthar aṭang chuan buhfai bag pawn lama a rih zawng inziaklo chu zuar leh chah tawhlo turin lehkha in an hriattir tawh a, hemi bawhzui hian hmalak a ni ta a ni. Legal Metrology chuan tunlai hian buhfai bag siamchawp, a rih zawng tarlan loh, duh ang zat zata a man chhiar a hluar hle a, mipui bumna a hluar hle tiin mitin fimkhur theuh turin an chah.
Nimina Buhfai man engemaw zat hi Legal Metrology Office ah kawl a ni a, a neitute hi Vawiin vek khan Legal Meteology office ah koh an ni a, karleh lamah dan anga chinfel tum a ni.
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: