USA President tling thar apiangin an lo tih thin Inaugural National Prayer Service hmanga an inkhawm thin angin Washington National Cathedral ah Donald Trump a leh a chhungte bakah Vice President JD Vance a te an inkhawm a, chutah chuan Episcopal Diocese of Washington BISHOP Mariann Edgar Budde chuan Pathian thuchah a lo sawi a, he inkhawm ah hian inlungrualna lam leh Pathian thu sawi ta mai lo chuan Woke Bishop Mariann Budde hian remchang ah la in Donald Trump a chu a chu Gay leh lesbian te chungah ngilneihna lan tir turin a lo ti a ni.
Bishop Mariann Edgar Budde hi An Kohhran ah hian Hmeichhia Bishop hmasa ber a ni a, Democrats ruh tak, LGBTQ tran tlattu niin tun hma Donald Trump a Sorkar hmasa ah pawh khan Trump a chu President atanga thlak a ngai tiin a lo tawngchhhuak tawh thin a, hetia Trump a haw em em tu, LGBTQ tlangau pui tu nisa kher Trump a inkhawm na a thusawi tura an hmang hi thil awm anglo leh sawisel hlawh tak pawh a ni. Inkhawm na ah chuan Bishop chuan Trump a leh Jd Vance a chu LGBTQ naupangte leh Dan diklo a USA a pem lut te chungah ngilneihna lantir turin a ti a ni. Donald Trump an ropui taka hnehna changa a rawn 'Come back' leh hnu in Inauguration Programe hrang hrang hman a ni a, chumi zinga pakhat 1933 atanga tun thlenga an la chin thin President tling thar leh a Cabinet ten Interfaith Service of Prayer for the Nation-an hman thin chu Trump a leh a chhungte bakah JD Vance a ten an hmang ve a ni. Donald Trump a hian President a lawmluh a nih hnu lawk ah " USA ah Gender pahnih chiah an awm" tiin "Mipa leh hmeichhia bak an awmlo a, chubak chu USA in a pawm tawh lovang" tiin a sawi nghe nghe a, hemi hnu a an inkhawm na ah Woke Bishop chuan remchang ah hmangin Trump a leh Jd Vance a chu Gay, Lesbian, LGBTQ leh Dan lova Pemlut te chungchang ah a lo sermon khum hrep mai a ni.
Bishop Budde chuan thiam takin Trump an thah tum na a pumpelh chu " Pathian kut hnathawh a ni"a ti te te a, " chuvangchuan Pathian hmingin ka ngen a che, kan Ram a hlau leh thlabar taka awm mek te chungah hian zahngai la ngilneihna lantir rawh," a ti a, "Democrats leh Republican leh Independents chhungkua zingah tehian Lesbian te, Transgender naupang te an awm ve a, chung ho thenkhat chu an nunna atan hlau leh thlabar em emin an awm mek asin, kan office leh Farm leh Ran talhna a thawk leh Restaurant ah kan ei hnu bal silfaitu zingah te, Hospital a rim taka zan pawh sawilo a thawk te hi tamtak chu USA khua leh tui anni lo thei, Document felfai pawh an nei velo thei, pemlut tam zawk hi misual annilo asin, heng ho hian chhiah an pe ve vek a, Sakhaw (Hindu,Christian, Muslim, Jews) rawngbawltu leh mi leh sa tha taktak anni ve asin, heng ho chungah hian zahngai turin ka ngen che a ni, Ram dang atanga indona te tlanchhiat san a kan Ram a rawn kal te hi khawngaihna lo lantir in lo welcome turin ka ngen che a ni" tiin a lo sermon khum a, Donald Trump a policy pawh hre vek, a executive Action hmasa tepawh hre vek, a thiltum mek pawh hre vek chunga President zahna nei miahlo a, LGBTQ leh Illegal immigrants chungchang ah a ma ngaihdan alo sermon khum hrep hi mi tamtakin an sawisel nghal a, Donald Trump a ngei pawh a hnu a an zawh leh na ah "A exciting lo khawp mai" "inkhawm Service ropui tak niin ka hre lo, kha aia tha khan an ti thei a ni" tiin a chhang.
Anti Trump, Democrats,Pro LGBTQ Bishop sermon chuan sawisel tu a ngah hle a, Conservative Activist Charlie Kirk a chuan X kaltlangin "Bishop of Episcopal Diocese of Washington hi he kohhran ah hian hmeichhia Bishop hmasa ber niin nihna zahawm tak a chelh a, vawiin ni ah thil ropui tak, Christian thuchah hmanga America min suihkhawm turin hun tha tak pek a ni a, mahse chu hun hlu tak chu amah intih mualpho nan a hmang ta zawk a, CNN leh The Views vel a an thusawi ni awm tawk lek sawichhuah nan a hmang ta si a, a va zahthlak em!" a ti. Ohio Senator, Roman Catholic ve tho Bernie Moreno pawhin "Woke Bishop thenkhat in President ka lecture-e an ti ve khanglang chu a thinthawng/rapthlak hle mai! Dan dik thlap a USA a pem lutte min hmusit tihna a ni! Borders kan neihloh chuan ram kan neilo tihna a ni" tiin a sawi.
Awle duhtawk leh mai dawn ila, Trump a chuan a sawilawk ang ngeiin Mithalo a tih 1000 rual chu a tlin veleh an hna atangin a ban nghal vek a, chung zingah chuan General Mark Milley te, US Top Military Coast Guard Commandant Linda Lee Fagan te, Anthony Fauci te etc etc te an ni nuk mai a, mi dang tamtak ban tur an la zawng mek tih a sawi bawk a, Donald Trump an a rawn man ang tih hlauh avanga Um lova tlanchhia kan tih theih turin General Mark Milley leh Amthony Fauci leh Liz Cheney leh Biden a chhungte chu Joe Biden a hian President anih tawp ber hun hnuhnung ber ah ngaihdamna PARDON a lo pe lawk a ni. Tin Inauguration Programe a Melanie Trump thawmhnaw inbel khan sawi a hlawh nasa em em a, kha thil khan awmzia a lo nei vek mai a, mahse nakin ah kan la sawi dawn nia..Kohhran rawngbawltu Pastor leh Bishop ah hmeichhia an awm hi a tha em? Kohhran biakin chhung ah LGBTQ promote na lam sermon hi enge kan ngaihdan? Zoram ah hian hnamdang dan lova rawn lut te hi hmangaih taka ram leilungfa nihna lo pek ve zel hi Pathian duh dan a ni ang em?! Tih te ngaihtuahna ah a lo lut. nangni engnge in ngaihdan?
• • • • • •
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: