CM-in National Building Construction Corporation hotute kawm

Aizawl | January 15, 2025: Vawiin khan Chief Minister Pu Lalduhoma chuan a office ah Pu Pradeep Sharma, Executive Director, Head of Business Development, NBCC a kawm a. Serchhip kiang Mat lui Multipurpose Dam thawh dan tur sawipuiin, a 3D model an siam te an thlirho.

NBCC lam hian Mat lui hi state sawrkar sum leh pai seng lo va an thawh theih an beisei a, a thawhna sum hnar (fund source) kan lo dap zui zel ang a. Kan hmu thei a nih chuan hna thawh chhung hi chu a rei lovang, an ti.

NBCC Executive Director hian India ram hmun danga an hnathawh thenkhat Chief Minister hmaah hian a sawifiah bawk.

An inkawmnaah hian Pu Jonathan Lalremruata, OSD to CM leh Irrigation & Water Resources Department hotute an tel.