MZP-in October 16 ral hma ngeia Commerce & Industries hnuaia hna lak kaltlangpui phut!

MZP-in October 16 ral hma ngeia Commerce & Industries hnuaia hna lak kaltlangpui phut!

Aizawl | October 10, 2024: MZP chuan, Commerce & Industries Dept. hnuaia Asst. Marketing Inspector post-1 ruak hnawhkhah nana ni 6 October, 2023 a advertisement tihchhuah tawh. Written Exam pawh ni 19 July, 2024 a neih fel diam tawh. Hna diltu mi 102 atanga mi 10 interview tura koh ten interview tura Commerce & Industries Secretary Room an thlen tawh hnua, hna cancel thut a nih chungchang a ngaihtuah a. Ni 16 October, 2024 ral hma ngeia Interview tura koh tawh mi 10-te chu angai anga interview kalpui a nih theihnan a hmala tur in a phut a ,ni 16 ral hma a hmalakna a awmlo anih chuana tul angin, zirlaite leh thalai hna zawng mekte thlavang hauh turin na zawka hmalak nise tia rel a ni.

Vawiin ni 10 October, 2024 (Ningani) chawhnu dar 12:30 khan, Mizo Zirlai Pawl, General Headquarters Executive Committee Meeting vawi 636-na chu MZP Conference Hall-ah neih a ni a. Meeting ah hian, Commerce & Industries Dept. hnuaia hnalak chungchang bakah pawl chhung thil pawimawh hrang hrang rel a ni. Meeting hi Pu H. Lalthianghlima, President-in a kaihruai.

Meeting chuan, Commerce & Industries Dept. hnuaia Asst. Marketing Inspector post-1 ruak hnawhkhah nana ni 6 October, 2023 a advertisement tihchhuah tawh. Written Exam pawh ni 19 July, 2024 a neih fel diam tawh. Hna diltu mi 102 atanga mi 10 interview tura koh ten interview tura Commerce & Industries Secretary Room an thlen tawh hnua, hna cancel thut a nih chungchang a ngaihtuah a. Ni 16 October, 2024 ral hma ngeia Interview tura koh tawh mi 10-te chu angai anga interview kalpui a nih theihnan a hmala tur in a phut a ,ni 16 ral hma a hmalakna a awmlo anih chuana tul angin, zirlaite leh thalai hna zawng mekte thlavang hauh turin na zawka hmalak nise tia rel a ni.

Meeting chuan, dan zawm kim loh chhuanlama zirlai hna zawng mek mi 100 chuang teh meuhte inbuatsaihna holam taka tithlawn a, hna zawng mekte ti hnual thei zawnga Commerce & Industries Department thiltih hi sut leh turin department hotute a phut a. Tute emaw thun tuma hmalakna ni thei tur anga department hmalakna hi chhunzawm lo turin kan ngen a. Commerce & Industries changtu Minister Pu F.Rodingliana pawh a department chhung a hetiang harsatna thleng hi rang taka hmala nghal turin MZP chuan a phut bawk a ni.

MZP-in Minister leh department thuneitute a lo ngen tawh chunga, hmalakna leh bawhzuina a awm loh avangin, ni 16 October, 2024 thleng a ngaichang leh dawn a. Thu lawmawm a awm loh chuan na zawkin hma a la dawn a ni.

Meeting-ah hian, kum 2024- 2025 term chhung atan a Appointed Secretary 11 te ruat thar an ni bawk.