MNF MLA-te'n Assam Rifles chet dan an dem

Aizawl | October 18, 2024: MNF MLA-te chaun vawiin khan thuchhuah siamin, Nimina Minister F Rodingliana chunga Assam Rifles chet dan an dem thu an sawi a. "Mizo hnam leh democracy zah lohnaah an ngai," an ti.

MNF Legislature Party (MLP) chuan thuchhuah siamin, 'Nimin (17/10/2024) tlai lama, kan ram khawpui Aizawl daia, kan minister zahawm tak Pu F.Rodingliana, 2nd Bn Assam Riffle, Mizorama Post mekten zah lo tak leh a programme tibuaia, kan ram chhung kawng ngeia rei tak ralthuam nen a rikrap a, an dang khawtlai hi pawi kan ti,' an ti.

MLP chuan, "Mizo hnam leh democracy zah lohnaah an ngai," an ti a. "2nd Bn.Assam Rifle-te hi kan dem tak zet a ni," tiin kan ram, kan hnam leh democracy zahawmna humhim a, a mawhphurhna hlen ngei turin Mizoram Sorkar an phhut tlat tih an tarlang.