I KHAWHARNA KHA KHAKNAAH CHANTIR SUH

 Hunbi Hrang Hranga Ṭhan Dan

By Rick Warren 

— August 20, 2024

“Ka thiamna thu ka sawi hmasak tum chuan tumah rengin mi tanpui lo va, mi thlahthlam ta vek zawk a ni; a mawh chu phurin awm hlawm suh se.” 2 Timothea 4:16

Paula, Isua zuituteah chuan a ropui ber te zinga mi chu, Rom-ah rorelsak tura hruai a nih khan, amah chhan zawnga lo pen chhuak tumah an awm lo. Pakhat mah an awm lo!

Paulan 2 Timothea 4:16 ah, “Ka thiamna thu ka sawi hmasak tum chuan tumah rengin mi tanpui lo va, mi thlahthlam ta vek zawk a ni; a mawh chu phurin awm hlawm suh se, ” a ti.

Amah chauh chuan a awm a. Ama tana lo penchhuaka, "He pa hi pa ṭha a ni. Pa fel tak a ni," tia ṭan ngam tumah an awm lo a ni.

Paula pawn hetiang hian a sawi lo reng a, “Hei hi chu ṭha lo tak a ni— an tan hian kum khati zozai kha ka tihsak tawh a nia!” “Anni chu mawhpuh tur an ni lo ve,” a ti zawk hlauh a ni. Ṭawngkam danga sawi chuan, mahni inlainatna avang chuan khaknaah a lut dawn lo va. Khakna chuan khawharna nasa zawk a siam si a.

Hei hi khawharna kan hmachhawn lai pawha Paulan min zirtirna kawng khat a ni. I khua a har a nih chuan, i natnate tih kian a pawimawh hle mai. Pathian hnena i ṭawngṭai a pawimawh a ni. I natnate chu a letling hlauhin nangmahah inbel suh. Chutianga i tih chuan, thunun theih lo vin a lian zual zel ang. 

Chu vangin lungawilohna chu dah ṭha la, a chhan chu khaknaa a tawp ṭhin avangin.

Khakna leh khawharna chu a kalkawp ṭhin, a chhan chu bial khata an awm avangin. I khua a lo har ang. I rilru a lo hnual zual ang. Khakna i nei ang a. Khakna chuan i khua a tihar a, chu chuan khakna a siam nasa ve leh zual thung che a ni. Tichuan, i lu a na ang a, i rilru a lo na ang a, tumah hnaih pawh i duh lo vang. 

Tumahin khakna neih an duh lo. Tumahin khawhar taka awm an duh lo. Tumahin thinrim reng bula awm an duh lo.

Khakna chuan khawhar a rawn awmtir a ni. Chuvangin khawharna i paltlang laiin i natnate chu tihkiamin lo awm se la. Mi dangin an pawh theih loh tur chein bang insiam suh.

Ngaihtuah zui atan

* I khawhar lutukna avangin engtin nge i awm ṭhin?

* I khawharna rawn thlentute kha eng thil nge lo thleng leh se i tih, chutih hunah chuan khakna a lo thlen lohna turin engtin nge i inven ang?

* I khua a har changin tute nge i biak pawh theih ṭhin le?

[Lettu: Sangpuia]