"dan aia association thu leh hla a lal zawkna ram kan ni ta mai em ni?"

Aizawl | August 19, 2024: Star Farm neitu Malsawmi chuan, "dan ( law) aia association thu leh hla a lal zawkna ram kan ni ta mai em ni?" a ti.

Malsawmi Star Farm neitu, central sorkar ah MSME Ministry High Power Monitoring Comittee Member ni mek chuan, Press mite hmaah vawiin khan he thu hi a sawi.

1. Mizoram police in min man a jail a tang anga min ngai, min lainat tu tamtak in awm tih ka hria a, jail a tang anga ka lan avanga mizoram a frozen pork zuar zawng zawngte ti zui tawh lo tur a MIPFA in vanglaini chanhinbu a an ngen zui na ka hmu a, a pawi ka ti takzet a ni. Tiang ang boruak a awm takah chuan mizoram frozen pork zuar te tan a tangkai takin kan sawi zau deuh ang e.

(a) Veterinay ministry atangin 0rder State dang , Haryana & Puunjab ten an vawk vawksa te Mizoram ah an rawn hralh thei tur ani strict SOP erawh siam ula tin central sorkar in order a chhuah a, Mizoram sokar, Vety dept ah an rawn pe a.

(b) ASF National Action Plan ah Infected Zone atanga Free zone a vawksa lak chhuah phal loh / theih loh anih laiin ASF Free zone atanga infected zone a vawksa lakluh hi khap a ni lo.

(c) DMR atanga vawk / vawksa ban na order siam anih tak chungchang-ah sorkar laipui lam atanga thurawn ka hmuh angin RTI hmangin DMR Departmemt mizoram ah zawhna ka siam a, "NDMA notified disaster a tel lo ASF ah hian engtin nge disaster act 2005 hmanga order siam a nih theih?" tiin, chhanna kan nghak mek a ni.

2. Dan kan bawhchhe lo chung leh Star Farm vawksa ah ASF hmuh confirm na a awm miah lo chungin FIR ka chungah file a nih avangin Bawngkawn police duty ten statement lak a ngai a lo kal ta che an rawn ti a, scooty in kan va kal a, ka statement an lak chhung minute 30 vel bawngkawn police stationah kan va awm a, an la zo a farm kan kal nghal a ni.

3. In hmuh angin Star Farm logo ah "farm to fork" tih a chuang a, a tir atangin vawk vulh/ farming ringawt ti loin indutrialization modernization a pen luh a, preservation processing packaging te ti a ready to eat, dinning table a ei mai theiha chhawp chhuah hi kan in ruahman dan a ni.

Vawk vulh nana SEDP 30 laks farm lian deuh ho hnen a an pek lai pawh khan kan dil ve duh lo a Sa sawngbawlna leh a dah thatna a tan a hman tur khawl leinan nuai 36 MSME CLCS subsidy loan SBI atangin ka la thung a.

4. Vawk vulh chauh niloin, a dah thatna cold storage, a sawngbawlna, a channa khawl hrang2, bacon, salamy, sausage siamna, pork momo ssiamna repna, packaging na te inbun in leh marketing ah te hma kan la chho nasa a, hetiang a farming a tawp lo a kan thar chuah te khawl hmang a mumal zawk leh hlu zawk a siam chhuah hi MSME in a kan policy ani , Vawin a kan ran talh kan thei leh thlai harvest, kan hralh nghal vat loh chuan tawih chhe thei dinhmun a kan din chhung hi chuan farming hi eizawnna nghet a ni thei lo, Hmasawn tur chuan stability a ngai a, Stability awm tur chuan khawl a ngaia, hlawhtling tur chuan dan leh dun kan zawm a dan a lal a ngai bawk.

5. Tuna kan ram kan kal hmang hi dan ( law) aia association thu leh hla a lal zawkna ram kan ni ta mai em ni?

Tiang a dan leh sorkar guideline / action plan ten awmzia a neih loh chuan kan thalai manufacturing leh processing a rawn tui, ti tur te tan kawng a ping dawn a ni.

6. Farming ringawt a tawp tur hi chuan kan thangthar te hi kan phal tawh lo, ram dang te tih anga khawl tha tak2 te nen a tang kawp a , an thar chhuah te man man zawk leh awmze nei zawk a sawngbawlna turin hmasawnna rahbi industrialization lama a an luh a hun tawh takzet a. Chutih laiin Farming chauh hi ami kan ram development atan a pawimawh tih mai tur khawpin, Mipui duh thlanna leh Entrepreneurs te nek chep in MIPFA farmers association te hi an che ni berin niin a lang.

7. Free market, fair competition hi Mipui te tan mai bakah eizawn nan a, Processing & manufacturing, hotel & restaurant, catering, hostel etc siam te tan a pawimawh emem a , market ah duh thlan tur tlawm zawk, to zawk, buk tling fresh /frozen, cut dan hrang hrang, sawngbawl dan hrang hrang a awm tur a ni. Mahse, MiPFA hian, "Mizo Mipui te hi duhthlan tur nei lo in, kan thar chhuah chauh hi to mahse in ei tur a ni, in lei tur a ni," min ti ta ani ber in a lang.

Tiang anga kan kal chuan kawng tam tak ah a bik takin food processing ah te entrepreneur, start up te tan hma lak ngaihna a awm lo.

8. Fair taka in kan ram a kan thar chhuah, kan siam chhuah tein state dang thar chhuah, an siam chhuah price leh quality ah te el zir ila. Kan nun khawchhuah nan a competitive market a kan luh ve theihna, hma kan sawnna kawng ani zawk dawn ani

....,.............

Kan vawk farm hi Cheng nuai 100 vel seng in kan din a, vawk vulh a, a sa tuihnai tak a hralh tur leh kan process tur te intodelh tum in kan in ruahman a. Vanduaithlak takin mizoram in ASF kan han tuar chho a, thil kal dan en in vawk tam tham a vulh chu a practical hrih lo a kan hriat avangin kan in vulh pung duh hrih lo a ni. Mahse, Kan hnathawk te, kan sa zuar te kan sa process zuar a eizawng chhungkaw 30 vel tan an eizawnna, kan chhungkaw ei zawnna a tawp mai loh nan Frozen vawksa sorkar SOP zawmin kan la lut a. Farm a vawk tlem nen a tang kawp in kan business kan chhunzawm ve zel thei a, Frozen vawksa SOP zawm a lak ho hi a thianghlim in a hriisel lo thei lo a, a chhan chu sorkar dan ah Frozen vawksa hi ASF len lohna state, ASF free zone a puan nilai ho entirnan Punjab, Haryana, Gujarat te atang chauhin State

dangah a phurh chhuah theih a, kan phurhna motor hi an seal vek a, a thlenna tur a thlen ah chauh a hawn turin an rawn kal kawng an seal hi hawn ruk a theih loh. (tun ah hian mizoram vawksa phur ta ila Guwahati check gate ringawt poh kan tlang lo ang, achhan chu ASF len mekna, infected state kan nih avangin).

Kan thawhchhuah apiamg kan hna ah ka invest a, kum 3 chuang thawmhnaw bazar ah vawi khat mah bazar loin, socialise loin hna ah ka inpe tawp a, chuti chung chuan hna thawh awmzia hre lo leh awlsam tak a pawisa siam ah.., a thlawn a sorkar atanga nuai 30 pawisa dawng zawk then khat in min ti a. Motor man to nuai 30 chuang man te vawk loan / loan rulh zawh hmain kan lei ve lo a, chu ai chuan kg Sangtel, singtel dah that theihna khawl te inbun in, inveng thei leh sa process thei in kan neih ang apiang kan hna atan kan invest a Vawk farm siam baka kan business model industrialization

modernazation lama ke kan pen tel avangin ASF pawh kan tuar nasa lo thei a Chuan Kan tuar ve lo a hriat avang leh sa rate pawt hniam tu min tih avanga, fair lo taka dawt a in hel nuai a min beih chiam hi enge awmzia aw?

Entrepreneurship a ka experience atangin thil practical zawk leh tangkai zawk te ka chhar anga india ram SC ST hub tana sorkar policy tangkai put luh theih te k lo inbeisei thin a, Success story te ka neih theih phei chuan Central sorkar poh in Mizoram ah project a flop zel tih an ngaihna te a danglam ka beisei a, chuvanga thawk a tang em em ka ni. Ka hlawhtlin theih nan Central sorkar mi leh sa vawksa ei lo zawk pohin min tan pui nasa a, an chungah ka lawm em em a ni. Punjab atanga Kan vawk phur motor truck Delhi khaw dai a accident in Pu NR pradhan tuna excise and narcotic Director general in min buaipui nasa a, Delhi DGP in slaughter house accident a vawk thi paihna tur min zawn pui bawk a, vawk hliam kan phurh zawm ngam tawh loh hralhna turin Doner ministry Director in NIA market a lo bia a. Guwahati Assam chhung-ah buaina a awmin Assam DGP in kan vawk truck escort turin police min pe a. NEC lamin bul ka trantirhin thu rawn ka lakna tur in leh ka hmuh duh duh Farm, Processing tihna ah te min hruai kual a. State dang ami zawk ten success story ka neih a farming chauh a tawp lo a, sorkar policy hlawhtlinna, NE a example siam tu ka nih theih nan theih tawp min chhuah pui a. Hetih laia mahni ram ngei, Mizoram zawk a illegal thil ti ang mai a in tih mualpho tum a man leh jail a tang anga min than tir duhna ang te hi a thlen leh tawh loh nan, start up, entrepreneur, traders, farmers ten dan leh dun kan aware a, system fel zawk hnuai a kan kal theih nan theihtawp chhuah ka tum a ni.