MZP buatsaih hnam lam intihsiak tan

Aizawl | June 5, 2024: Mizo Zirlai Pawl (MZP) General Headquarters, Aizawl chuan vawiin ni 5 May, 2024 chawhma dar 11:00 khan Dawrpui Multipurpose Centre-ah Ni hnih awh GIG Motors MZP Hnam lam intihsiakna an tan.

GIG Motors MZP Hnam lam intihsiakna hawnna hun hi MZP General Headquarters Pu Rothanliana Finance Secretary chuan kaihruaiin, Josephine Lalmuanpuii Executive Committee member chuan Hunserh a hmang a, Pu C. Lalhmingsanga, Asst. General Secretary hnen atang intihsiakna neih chhan leh report hrang hrangte ngaihthlak a ni a, Chief Judge Pu David Lalrindika’n intihsiakna kalphung hrang hrang a sawi fiah bawk.

Intihsiaknaah hian Cultural club 12; Mizo Cultural Club Vaivakawn, West Lungdar Cultural Club, New Diakkawn Cultural Club Kolasib, Mizo Cultural & Drama club Republic Veng, Huiva Cultural Club (Govt. Aizawl College), Kawllen Cultural Club, Kumtluang Cultural Club (Govt. J Thankima College), Chhawkhlei Cultural Club (Pachhunga University College), Home Mission School Bawngkawn Branch, Dingdi Cultural Club Dinthar, Reiek Branch YMA leh St. Pauls Higher Secondary School te an tel a ni.

MZP chuan Hnam lam intihsiakna hi hun rei tak atangin alo buatsaih tawh thin a, kan hnam zia leh nunphung te kan vawn nun leh kan chawisan a, kan chhawm nun zel theih nan, MZP chuan hnam lam intihsiakna a buatsaih thin a ni. Cheraw (Buhza-aih) leh Solakia/Sawlakia lam hmanga inelna hi neih a ni.

MZP Hnam lam intihsiakna-ah hian lawmman atan Pakhatnain cheng sing sarih an dawng ang a, pahnihnain cheng sing nga, pathumnain cheng sing thum an dawng dawn a, a tel zawng zawngin cheng sang thum an dawng dawn bawk a ni.