Mumbai International Film Festival-ah Mizoram film siamtute

Aizawl | June 17, 2024: Mumbai International Film Festival-ah Mizoram film siamtute an tel dawn.

June ni 15 atanga ni 21, 2024 thleng awh tur, Mumbai International Film Festival chu Mizoram atangin delegates mi engemaw zatin an chhim dawn.

Ministry of Information & Broadcasting ruahmanna hnuaiah I&PR Department Deputy Director Pratap Chhetri bakah Mizoram film khawvela sulhnu nei tha mek thalai (promising film makers leh actors) - Raymond Colney (BISP), Melody G Fanai (Tin Tin Entertainment), Rinzuala (Actor) leh Timothy Vangchhia (Actor) te chu vawiin khan an kal.

Anni bakah hian, RUNMAWI (Streaming App) atangin delegates Director Operations S Lalmawipuia leh Production Manager Jonathan Lalrinfela -te bakah Runmawi lam hian Mizoram Film Industry hmasawnna a nih beiseiin film maker Lalruatfela (Mart Visual Inc.) leh Actor lar Tommy Rosangliana (GRTv)-te hruaiin June 14 khan Mumbai an pan.

18th MIFF-ah hian Bollywood mi lar tak takte pawh an inlan dawn a, Gala Red Carpet te, Masterclass pawimawh tak takte bakah short film 107, documentary 115 leh animation 92, a vaiin film 314 screening an nei dawn a. Award hlu tak tak sem a ni bawk ang.