Aizawl | June 19, 2024: Mizo film thar, horror film, mi tam tak beisei san leh ngaihven em em 'Thih Thlengin Aw' chu July 6, 2024 zan dar 7 hian Vanapa Hallah tlangzarh a ni dawn ta.
Tlangzarh zanah hian a hmuna en duhte tan en theih tura ruahman a ni a. Ticket siam niin, Ticket man hi cheng 100 niin, a hmunah lei theih a ni ang.
Mizo film industry in bung thar a kai chho ta mawlh mawlh mai, chutih lai chuan film genre hrang hrang hmuh tur a awm nual a, horror lamah hun eng emaw chen a reh hnuah OBG Production chuan psychological horror movie thar an rawn chhawp chhuak dawn ta.
He movie script hi Vanlalawmpuia (opix renthlei) ziah niin, ani hi, 'Awma ka ni' tih film/script lo ziak tawhtu leh director kha niin, Kima Renthlei (OBG Production) chu Director tur a ni a, ani hi film leh music video lamah hming lo chher tawh leh expereince nei tha tak ani bawk. PC Lallawmzuali chu Co-Writter ni bawkin, he movie ah hian changtunu role ala nghal bawk dawn ani.
He fimmah hian Mizo Actor tha leh hming chher tha tak tak te an rawn in lan nual dawn a, tunlai Mizo film industry a, actor kan neih that ber, Best Actor Award a zawn a lo dawng tawh, Papuia Pachuau chu changtupa tur niin, PC Lallawmzuali chu a changtunu a ni ang.
Horror movie sawi apianga inhmeh em em mai, model chhelo em em Zuali chhangte chu 2nd Leading role a rawn la dawn bawk a. Tunlai thangthar ten an star rawn em em leh social media lama, mite hriat hlawh leh mizo film ah pawh lo in lan nual tawh Mary Kim pawh he movie ah hian role pawimawh tak a rawn la dawn bawk.
Chu mai bakah, social media lamah hriat hlawh tawh tak tak te, acting lam a mi thar ni si tha tak tak he movie ah hian kan hmu nual dawn a. He movie a changtute kan hmuh tur te hi movie danga an character lak thin ang ni lo, mize dang daih pu in an rawn in lan nual dawn a. Mipuite tan ennawm tak an rawn chhawp beisei a ni.
Actor tha tak tak te inlanna, story dangdai si, horror satliah ni lo plot twist tak mai, rilru tibuai zak thei tur, en tur a awm dawn a ni.
OBG Production in an buatsaih, 'Thih thlengin aw' psychological lo chhuak tur hi Kum 2021 october thla khan, Script writer hian alo ziak chhuak tawh a, he story hi a tak a tawng tute thiltawn behchhan a ziah niin, Kum 2023 kum tawp lam khan, a story hi changtlung zawk a duan anih leh theih nan, writer, Director leh Co-writer te chu thu khawm in a ai tha zawk turin an duang leh ta a ni. Anni pathum hi project dang ah pawh an combination that zia kan lo hmu tawh a, Horror movie kan lo hmuh thin nen khan tehkhin rual loh, story tha leh clinical tak a duan niin, horror movie kan lo hmuh tawh thin ang lo takin, movie a scene kan hmuh zen zen ngai loh leh ti chhuak hmasa ber tur ni bawkin, danglam tak leh dangdai tak min rawn chhawp chhuah an tum a. Kumin 2024 Febuary thla khan shooting zawh a ni.
Horror movie tui mite tana hmaih phal loh tur movie hi tlangzarh zan hian Lersia Play lam-ah en theihin a awm nghal dawn a ni.
• • • • • •
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: