LDSA-in Lawngtlai West bial zirlai tithate chawimawi

Aizawl | June 10, 2024: Lawngtlai District Students' Association (LDSA) leh Lawngtlai West MLA te tangho in, vawiin Dt.10.6.2024 khan District a Lawngtlai West Assembly Constituency chhunga zirlai ti tha te chawimawina hun hmangin, he hunah hian Lawngtlai West atanga kumin a HSLC leh HSSLC Distinction a pass chin zirlai 21 hnenah chawimawina thuziak an hlan.

He hun hi Lai Autonomous District Council (LADC) Chief Executive Member (CEM) C Lalmuanthanga chuan khuallian niin a hmanpui a, SDO (Sadar) Margaret J Vanlalremmawii chu khual zahawm a ni bawk. Chief Guest hian zirlai naupangte fuihna thu sawiin, khual zahawm Margaret J Vanlalremmawii pawhin Motivational Speech sawiin hun a hmang bawk a ni. Anni bakah hian LDSA President F Lalkulhchungnunga leh he program a tel school Principal ten thu an sawi bawk.

He Program ah hian Lawngtlai khaw chhung school atangin zirlai 100 chuang an tel a, program hmangtu hi an zavaiin mi 150 chuang an ni. Mizo zaithiam lar Latei Hringen chuan he program a kalkhawmte hi zaiin a awi bawk a ni.

LDSA Secretary Gabriel Zochhawna chuan, naupangte an hlan tur citation siamna atana phal taka sum leh pai thawhtu Lawngtlai West Bialtu MLA Pu.C.Ngunlianchunga chungah LDSA hmingin lawmthu a sawi a, Chief Guest Pu.C.Lalmuanthanga CEM LADC pawhin refreshment man leh senso tul dang a tumsak avangin a chungah lawmthu a sawi bawk a ni.