I RINZAWNG THILIN I NUN A BUATSAIH

_Hun Rei Daih Thil Ngaihlu Tura Nun Buatsaih_

By Rick Warren 

— June 04, 2024

“Lungphûmte chu tihchhiata a awm chuan, Mi felin eng nge a tih theih ang? in tih ni?” Sam 11:3

Khawvela min hualveltute kan rindan aṭang hian kan nun a insiam chho ṭhin. Engvangnge? I rinnna hian i nun a hruai tlat vang a ni. I nungchang chuan i dinhmun tur a hril a, i nun chu a rawn khalh chho ve nghal a ni.

Khawvel pum huapah emaw ram bial khatah emaw pawh a ni tho. Kan thil ngaihhlut zawng hian nasa takin kawngro a su a ni.

Kan harsatna chu, thutak chu finna thu pathumin a rawn luahlan a: *Mahni inngaihpawimawhna,* hei hi mahni duhdana nun hmanna a ni. *Sakhuana ngaihsaklohna,* hi thumal pathumin a sawi theih: Pathian a pawimawhlo. *Thudik ber a awm lo* tih hi a dang leh chu a ni a, thudik ber a awm lo kan tih chuan, i tana dik chu ka tana dik a ni kher lo thei tihna a ni.

Bible chuan, “Lungphûmte chu tihchhiata a awm chuan, Mi felin eng nge a tih theih ang? in tih ni?” Sam 11:3

Engnge kan tih theih ve le?

Pathian nen bul kan ṭan a ngai. Thutak a pai a. Thudik leh dik lo pawh Pathian nihphungah chuan a tel nghal a ni. Rinawmlohna hi a dik lo va, a chhan chu Pathian chu a rinawm si a. Pathian nena kan inpawlna aṭangin thutak kan hre thei a ni.

Bible chuan, “Tichuan felna leh rorêlna chu i lo hre thiam ang a, Hleih neih lohna nên, a ni, kawng tha tinreng pawh.” (Thufingte 2:9). Pathian nungchang pawh a Thu aṭangin kan hrethei a ni. Bible chuan kan ngaina emaw kan ngaina lo emaw thutak min hriattir ṭhin.

Pathian thutak kan hriat chuan—engtiklai pawhin thil pahnih kan hmu ṭhin ang.

*Mi zawng zawng huap a ni.* Mi zawng zawng tan a hmantlak a. Mi zawng zawng a huap loh chuan thutak a ni lo va, ngaihdan mai tihna a ni. 

*A danglam ve lo.* Incheina mai mai hian a tidanglam ve thei lo. Kum 2,000 liamtaa sual ni tawh uirena hi vawiin thlengin sual a la ni, kum 4,000 hnuah pawh sual a la ni reng ang. 

Tunlai khawvel hian thutak kan haichhuah theih nan thil pathum duhthlan tur min pe a: Kan ngaihdan emaw mi dang ngaihdan emaw Pathian ngaihdan emaw hi a ni a. Thutlukna kan kutah a awm a ni.

Danglam ve lo, mi zawng zawng huap, thudikah i innghat a nih chuan i tlu lo vang, a chhan chu innghahna tlak leh tlo neiin Pathianin i kawng a hruai ang.

 “Thu chik taka dawn mi chuan thil tha a dawng ang a, LALPA ring apiang chu an nihlawh a.” (Thufingte 16:20).

Ngaihtuah zui atan

* Engtin nge kan hnam nunphung chuan thutak danglam mek chu min hneh a tum ṭhin?

* Pathian thutaka innghat chung zelin engtin nge ngaihdan i siam ṭhin ang le?

* Pathian Thu i chhiar leh i zir tam dan chungchangah miin entawn dawn che sela, engtin nge nangmahah rinna an nghah theih ang?

*[Lettu: Sangpuia]*