North East Veteran Badminton Tournament-ah Mizo te an che tha V

 

May ni 10 - 12, 2024 inkar a Guwahati, Assam-a neih Yonex Sunrise 8th North East Veteran Badminton Tournament-ah Mizoram atanga kal player-te an che tha hle. He tournament-ah hian Gold medal 4 vaw chhuak in, event pahnihah silver medal an dawng a, bronze medal pakhat an rawn hawn bawk. A pumpui ah Mizoram player-te hi medal dawng hnem ber niin pakhatna an ni.

He tournament-ah hian Lalmuanawma, Mizoram Police BC leh Samuel Lalnunmawia, Mizoram Police BC te chu category pahnih ah ve ve an champion.

He tournament hi Assam Seniors Badminton Club buatsaih niin DTRP Indoor Stadium, Nehru Sports Complex Stadium, Ulubari, Guwahati-ah neih a ni a, North East State hrang hrang atangin kum 35 chunglam badminton khel thin te an fuankhawm. Lawmman atan hian cheng nuai 4.20 lai sem ral a ni nghe nghe.

Mizoram atanga medal late chu (bracket chhung ami hi an kum belhkhawm category a ni):

GOLD MEDAL:

35+ Men's Double (75+)

Lalmuanawma, MPBC & Samuel Lalnunmawia, MPBC

40+ Men's Double (85+)

Lalmuanawma, MPBC & Lalrindika Ralte, MBC

35+ Mixed Double (75+)

Samuel Lalnunmawia, MPBC & Lalduhzuali, DBC

55+ MD (115+)

Lalthanzuala, MPBC & C.Vanlalchhuana, EBC

SILVER MEDAL: 

35+ XD (75+)

Zarzokima, Ralte Villa BC & Jenny Lalruatmawii Ralte, KODBA

40+ MD (85+)

Joseph M. Lalrinawma & Lalthanliana, Ralte Villa BC

BRONZE MEDAL

50+ Men's Doubles (105+)

Lalthanzuala, MPBC & 

C. Vanlalchhuana, EBC

35+ MD (75+) Joseph M. Lalrinawma  & Zarzokima, Ralte Villa BC

Mizoram Badminton Association chuan state pawn a Mizoram ti hmingtha tute hi a chhuangin, an hma hun kal zel atan duhsakna sang ber a hlan a ni.

_