National Taekwondo Referee Seminar tan a ni

Taekwondo Federation of India(TFI) buatsaih National Taekwondo Referee Seminar leh National Taekwondo Referee Refresher Course chu vawiin May ni 8 hian MATA Hall, Republic Vengthlangah tan a ni a. USAM President Master VL Sawman a hawng. Hawnna inkhawm hi Pu F. Laltanpuia Chairman, Referee Committee in a kaihruai a, Pastor V. Lalnienga ECM chuan hunserh a hmang. Prof.Rualkhuma Colney, President MATA in Training a lo kalte fuihna thuchah a sawi. National Referee Seminar hawngtu Pu Sawma chuan National Referee nih hi a hlu a. Aizawla buatsaih ani hi kan vannei ani tiin Federation chhawr tur tam zawk kan in siam hi player ten kan chhawr dawn ani a ti. TFI hian Aizawlah hian National Referee Seminar hi Kum 2003 kha a hmasa ber niin tun tum hi a vawi 5 an buatsaihna ani ta a ni. Tun Serminar leh training hi TFI in a ruat angin Master Joseph Thansanga International Referee, TFI Referee Committee Member ni bawkin a neih pui ang a. May ni 10 hian practical leh theory an exam ang. Training ah hian Black Belt leh Natinal Referee leh State Referee mi 20 an tel.