National Taekwondo Referee Semniar zawh fel a ni

Ni 3 awh National Taekwondo Referee Seminar / National Taekwondo Referee Refresher Course, MATA Hall, Republic Vengthlanga neih chu May ni 10, 2024 khan zawh fel a ni a, Champhai South Bialtu MLA Lt.Col. Clement Lalhmingthangan a hmanpui.

National Referee Seminar hi Taekwondo Federation of India hian Aizawlah tum 5 a buataihna niin 2016 kha a hnuhnung ber a ni a. State hrang hrangah buatsaih mek a niin Aizawl hi chung zinga pakhat chu ni. Mizoram leh a chhehvel state tana buatsaih a ni a, Seminar tel mi 20 awmin World Taekwondo Competition Rules thar ber an zirho hnuah practical leh theory in an exam a, tha takin an paltlang thei vek a ni. Seminar leh exam hi Taekwondo Federation of India Technical Committee Member Master Joseph Thansanga, International Referee ni bawk chuan zirtirna pein Federation kalphung angin exam a endik nghal bawk a ni. National Referee Seminar kharna inkhawm hi MATA President Prof.Rualkhuma Colney in a kaihruai a. Khuallian Lt.Col.Clement Lalhmingthangan thusawiin MATA General Secretary Master Joseph Thansangan thu sawiin Master VL Sawman lawmthu sawina hun a hmang a. MATA hruaitu dang ten an tawiawm bawk a ni.

National Referee Exam tur hian State Referee, World Taekwondo Black belt, leh kum 18 chung lam an ni tur a ni a. MATA hian National Referee qualify 45 leh International Referee 3 a nei mek a ni